ഹൈമാസ്റ്റ് ലൈറ്റ് കണ്ണടച്ചു, സാമൂഹ്യ വി​രുദ്ധ ശല്യം

കൊട്ടാരക്കര: നെടുവത്തൂർ പ്ളാമൂട് ജംഗ്ഷനിലെ ഹൈമാസ്റ്റ് ലൈറ്റ് അടഞ്ഞി​ട്ട് നാളേറെ ആയെങ്കി​ലും നടപടി​യി​ല്ല. ലൈറ്റ് സ്ഥാപിച്ചതോടെ സമീപമുള്ള പല തെരുവുവിളക്കുകളും അപ്രസക്തമായി. എന്നാൽ ലൈറ്റ് പണിമുടക്കിയതോടെ പ്ളാമൂട് ജംഗ്ഷൻ കൂരി​രുട്ടി​ലാവുകയും ചെയ്തു. ജംഗ്ഷനിലെ വ്യാപാര സ്ഥാപനങ്ങൾ അടയുന്നതോടെ ജംഗ്ഷനിൽ കൂരിരുട്ടുമാത്രം. ഇതിന്റെ മറവിലാണ് കഴിഞ്ഞ ദിവസം ടാങ്കർ ലോറിയിൽ സാമൂഹ്യ വിരുദ്ധർ ജംഗ്ഷനു സമീപം കക്കൂസ് മാലിന്യം ഒഴുക്കിയത് .രണ്ടു മാസം മുമ്പ് ഈ ജംഗ്ഷനിൽ ഇരുചക്ര വാഹന യാത്രക്കാരനെ

കാട്ടുപന്നി ആക്രമിച്ചിരുന്നു. കെ.എസ്.ആർ.ടി​.സി ജീവനക്കാരനായ യുവാവ് ഇനിയും പഴയ അവസ്ഥയിലെത്തിയിട്ടില്ല വൈദ്യുതി പ്രതിസന്ധിയുടെ പേരിൽ തെരുവു വിളക്കുകൾ പത്തുമണിയോടെ ഓഫാക്കുന്നത് കാൽനട യാത്രക്കാർക്കും ഇരുചക്രവാഹന യാത്രക്കാർക്കും ബുദ്ധിമുട്ടുണ്ടാക്കുന്നു. ഇഴ ജന്തുക്കളും തെരുവ് നായ്ക്കളും കാട്ടുപന്നികളും കാൽനടയാത്രക്കാർക്ക് ഭീഷണിയാണ്.