ദു:ഖവെള്ളി ആചരണം 

ചങ്ങനാശേരി : പെസഹാ ആചരണത്തിന് ശേഷം യേശുവിന്റെ പീഡാസഹനത്തെയും കുരിശുമരണത്തെയും അനുസ്മരിച്ച് ക്രൈസ്തവർ ദു:ഖവെള്ളി ആചരിച്ചു. ദേവാലയങ്ങളിൽ പ്രത്യേക തിരുക്കർമങ്ങൾ നടന്നു. പീഡാനുഭവവായന, കുരിശിന്റെ വഴി, നഗരികാണിക്കൽ, സ്ലീവാ വണക്കം, പീഡാനുഭവസന്ദേശം ആചരണങ്ങളോടെയാണ് ദു:ഖവെള്ളി ദിവസത്തെ കർമങ്ങൾ പൂർത്തിയായത്. ചങ്ങനാശേരി സെന്റ് മേരീസ് കത്തീഡ്രൽ ദേവാലയത്തിൽ ദു:ഖവെള്ളി ആചരണത്തിന്റെ ഭാഗമായി നടന്ന നാഗരികാണിക്കൽ പ്രദക്ഷിണത്തിൽ ഭക്തിപൂർവം നൂറുകണക്കിന് വിശ്വാസികൾ പങ്കെടുത്തു.