രാമചന്ദ്രൻ മാസ്റ്റർ അനുസ്മരണം

മുക്കം: അദ്ധ്യാപകനും ദീർഘകാലം പ്രതിഭ ഗ്രന്ഥാലയം സെക്രട്ടറിയുമായിരുന്ന കെ. രാമചന്ദ്രൻ മാസ്റ്ററുടെ ഒന്നാം ചരമവാർഷികം വിവിധ പരിപാടികളോടെ ആചരിച്ചു. മുക്കം മുനിസിപ്പൽ ചെയർപേഴ്സൺ അഡ്വ.കെ പി ചാന്ദ്നി ഉദ്ഘാടനം ചെയ്തു. ഗ്രന്ഥാലയം പ്രസിഡന്റ് എം. ഗോവിന്ദൻകുട്ടി അദ്ധ്യക്ഷത വഹിച്ചു. താഴക്കോട് ഗവ.എൽ .പി സ്കൂൾ അദ്ധ്യാപിക മീന ജോസഫ്, പി സി സന്തോഷ് എന്നിവർ രാമചന്ദ്രൻ മാസ്റ്ററുടെ സ്മരണ ആലേഖനം ചെയ്ത ഫോട്ടോകൾ മകൾ ഗ്രീഷ്‌മയ്ക്ക് കൈമാറി. മുനിസിപ്പൽ കൗൺസിലർ സജീഷ് വായലത്ത്, എ വി സുധാകരൻ, മീന ജോസഫ്, എൻ ബി വിജയകുമാർ , വി എം കൃഷ്ണൻകുട്ടി , കെ സുന്ദരൻ ,എ എം ജമീല , അജീഷ്, സി ദേവരാജൻ , കരണങ്ങാട്ട് ഭാസ്കരൻ എന്നിവർ പ്രസംഗിച്ചു.