കെ.എസ്. ആർ.ടി.സി വിഷു-ഈസ്റ്റർ സ്‌പെഷ്യൽ സർവ്വീസ് പാലക്കാട് ഡിപ്പോ തൂക്കി

വരുമാനത്തിൽ റെക്കോർഡ് വർദ്ധനവ്

പാലക്കാട്: കെ.എസ്.ആർ.ടി.സി വിഷു -ഈസ്റ്റർ സ്‌പെഷ്യൽ സർവ്വീസുകളിൽ ജില്ലയിൽ റെക്കോർഡ് വരുമാന നേട്ടവുമായി പാലക്കാട് ഡിപ്പോ. 17 ലക്ഷത്തിന്റെ വർദ്ധനവാണ് കഴിഞ്ഞ വർഷത്തെ അപേക്ഷിച്ച് ഇത്തവണ ഉണ്ടായിരിക്കുന്നത്. 2025 ൽ സ്‌പെഷ്യൽ സർവ്വീസിന്റെ വരുമാനം 20,15,266 ആയിരുന്നത് 2026 ൽ 37,16,673 ആയി. ജില്ലയിൽ പാലക്കാട്, ചിറ്റൂർ, വടക്കഞ്ചേരി, മണ്ണാർക്കാട് എന്നീ നാല് ഡിപ്പോകളാണുള്ളത്. വരുമാനത്തിനൊപ്പം പാലക്കാട് ഡിപ്പോയിൽ സർവീസുകളുടെ എണ്ണവും വർദ്ധിച്ചു. 82 ൽ നിന്നും 99 ആയി. പാലക്കാട് -സുബ്രഹ്മണ്യ, പാലക്കാട് -മൈസൂർ , പാലക്കാട് -ഗുരുവായൂർ നൈറ്റ് സർവീസ്, പാലക്കാട് -ആലപ്പുഴ എ.സി , പാലക്കാട് -എറണാംകുളം എ.സി, പാലക്കാട് -കോഴിക്കോട് എ.സി എന്നീ സർവ്വീസുകൾ തുടങ്ങി. പാലക്കാട് -ബാംഗ്ലൂർ സ‌ർവീസ് എ.സിയാക്കുകയും നാല് സൂപ്പർഫാസ്റ്റ് ബസുകൾ പ്രീമിയത്തിലേക്ക് മാറ്റുകയും ചെയ്തു.

വിഷു -ഈസ്റ്റർ സ്‌പെഷ്യൽ സർവ്വീസുകളിൽ നിന്നുള്ള വരുമാനം (ബ്രാക്കറ്റിൽ 2025 ലെ വരുമാനം)

ചിറ്റൂർ- 9,55,096. (8,57,792)
വടക്കഞ്ചേരി- 6,60,281. (4,97,451)
മണ്ണാർക്കാട്- 6,02,454. (6,05,472)