തിരുവനന്തപുരം: മുട്ടട വാർഡിലെ ഉപതിരഞ്ഞെടുപ്പിൽ ജയിച്ച അജിത് രവീന്ദ്രൻ കൗൺസിലറായി സത്യപ്രതിജ്ഞ ചെയ്തു.മേയർ ആര്യ രാജേന്ദ്രൻ പ്രതിജ്ഞ ചൊല്ലിക്കൊടുത്തു.സി.പി.എം ജില്ലാ സെക്രട്ടറി വി.ജോയി, വി.കെ.പ്രശാന്ത് എം.എൽ.എ, ട്രിഡ ചെയർമാൻ കെ.സി.വിക്രമൻ തുടങ്ങിയ നേതാക്കൾ സത്യപ്രതിജ്ഞ കാണാൻ എത്തിയിരുന്നു. സത്യപ്രതിജ്ഞക്ക് ശേഷം മേയറും മറ്റ് നേതാക്കളും അജിതിനെ ഷാളണിയിച്ചും ബൊക്കെ നൽകിയും അഭിനന്ദിച്ചു.തുടർന്ന് ഡി.ആർ.അനിൽ,പാളയം രാജൻ, പി.കെ.രാജു, എം.ആർ.ഗോപൻ, പി.അശോക് കുമാർ,ശ്യാംകുമാർ, എസ്.സലിം,പി.പദ്മകുമാർ എന്നിവർ സംസാരിച്ചു. മറുപടി പ്രസംഗത്തിൽ തന്റെ കുടുംബത്തിന്റെയും അന്തരിച്ച കൗൺസിലർ ടി.പി.റിനോയിയുടേയും കാര്യം പറയുമ്പോൾ അജിതിന്റെ ശബ്ദം ഇടറി. റിനോയിയുടെ ഭാര്യയും മക്കളും സത്യപ്രതിജ്ഞ കാണാൻ എത്തിയിരുന്നു.