പ്രൊഫ. കടത്തനാട്ട് നാരായണനെ ആദരിച്ചു

വടകര: സാഹിത്യത്തിനുള്ള സമഗ്രസംഭാവനയ്ക്ക് കേരള സാഹിത്യ അക്കാദമി അവാർഡ് നേടിയ പ്രൊഫ. കടത്തനാട്ട് നാരായണനെ കെ.എസ്.ടി.എ വടകര സബ് ജില്ലാ കമ്മിറ്റി ഓണാഘോഷത്തിന്റെ ഭാഗമായി ആദരിച്ചു. സിനിമാ-നാടക പ്രവർത്തകൻ ശിവദാസ് പൊയിൽക്കാവ് ഓണാഘോഷം ഉദ്ഘാടനം ചെയ്തു. കെ.എസ്.ടി എ ജില്ലാ വൈസ് പ്രസിഡന്റ് വി.വി. വിനോദ് ഉപഹാരം നൽകി. ജില്ലാ ജോയിന്റ് സെക്രട്ടറി കെ.നിഷ, ജില്ലാഎക്സിക്യുട്ടീവ് വി.പി.സന്ദീപ്, ജില്ലാകമ്മിറ്റി അംഗങ്ങളായ കെ . രഞ്ചുമോൻ, കെ.അജിത എന്നിവർ പ്രസംഗിച്ചു. സബ് ജില്ലാ പ്രസിഡൻ്റ് മിത്തു തിമോത്തി അദ്ധ്യക്ഷയായി. സബ് ജില്ലാ സെക്രട്ടറി കെ.കെ.സിജൂഷ് സ്വാഗതവും ട്രഷറർ എം.അനീഷ്‌കുമാർ നന്ദിയും പറഞ്ഞു.