കാർ തടഞ്ഞ് യുവാവി​നെ ആക്രമി​ച്ച് ഫോൺ മോഷ്‌ടിച്ചകേസ്: മൂന്നുപേർ പി​ടി​യി​ൽ

കോതമംഗലം: കാർ തടഞ്ഞുനിറുത്തി യുവാവിനെ ആക്രമിച്ച് മൊബൈൽഫോൺ​ തട്ടിയെടുത്ത കേസിൽ മൂന്നുയുവാക്കളെ ഊന്നുകൽ പൊലീസ് അറസ്റ്റുചെയ്തു. തലക്കോട് ചാലിൽ ഫെബിൻ (27), കുട്ടമംഗലം അക്കോത്ത് ഫവാസ് (30), വയനാട് പുൽപ്പള്ളി തോട്ടത്തിൽ ടോണി (30) എന്നിവരാണ് അറസ്റ്റിലായത്. ബുധനാഴ്ച രാത്രി നേര്യമംഗലം - ഇടുക്കി റോഡിൽവച്ചാണ് കേസിനാസ്പദമായ സംഭവം ഉണ്ടായത്. തലക്കോട് സ്വദേശിയുടെ കാർ തടഞ്ഞുനിറുത്തിയാണ് ഇവർ ഐഫോൺ​ തട്ടിയെടുത്തത്. യുവാവിനെ മർദ്ദി​ക്കുകയും ചെയ്തു. മറ്റൊരു കാറിലാണ് പ്രതികൾ എത്തിയത്. യുവാവിന്റെ പരാതിയെത്തുടർന്ന് നടത്തിയ അന്വേഷണത്തിലാണ് മൂന്നുപേരും അറസ്റ്റിലായത്.

എസ്.ഐ. സി.പി. ബഷീർ, എ.എസ്.ഐമാരായ വി.ജി. സേതുകുമാർ, സി.പി. ബിനോയി, സുനിൽ, ഉസ്മാൻ, എസ്.സി.പി.ഒമാരായ ഒ.എം. അൻസാർ, ഹാരിസ്,അജിംസ്, ബാലു എന്നിവരാണ് അന്വേഷണസംഘത്തിലുണ്ടായിരുന്നത്.