ഗുണ്ടാ ആക്രമണം: 8 പ്രതികൾ പിടിയിൽ

അങ്കമാലി: ഉത്രാടദിവസം പുളിയനം ഐക്കാട്ടുകടവ് ഭാഗത്ത് വടിവാളുവീശി ഭീകരാന്തരീക്ഷം സൃഷ്ടിച്ച് കോടുശേരി പാലിശേരി വീട്ടിൽ ശ്യാംശിവനെ (29) മാരകമായി മർദ്ദിച്ച കേസിൽ 8 അംഗ സഘത്തെ അങ്കമാലി പൊലീസ് അറസ്റ്റുചെയ്തു. കൃഷ്ണപ്രസാദ് (23), മിഥുൻകൃഷ്ണ(24), ടോണി ഔസേഫ് (24), വൈഷ്ണവ് (25), ശ്രീജിത്ത് (24), മാർട്ടിൻ (22), ഏല്യാസ് (24) , ആൻസൺ (23) എന്നിവരെ ഇടുക്കി കാളിയാറിൽ നിന്നാണ് അറസ്റ്റുചെയ്തത്.

ഡി വൈ.എസ്.പി ജി. വേണുവിന്റെ നേതൃത്വത്തിൽ അങ്കമാലി ഇൻസ്പെക്ടർ സോണി മത്തായി, പ്രിൻസിപ്പൽ എസ്.ഐ. സൂഫി ടി.എം എന്നിവരുങ്ങുന്ന സംഘമാണ് പ്രതികളെ അറസ്റ്റുചെയ്തത്.