ബാറുകളിൽ ആധാർ പരിശോധന കർശനമാക്കും : എം.ലിജു

തൃശൂർ: മദ്യപിക്കാനെത്തുന്നവരുടെ പ്രായം 23ൽ താഴെയാണെന്ന് സംശയം തോന്നിയാൽ ബാർ അധികൃതർ ആധാർ കാർഡ് പരിശോധിക്കണമെന്ന് എക്‌സൈസ് മന്ത്രി എം.ലിജു. പ്രായപരിധി പാലിക്കുന്നുണ്ടെന്ന് ഉറപ്പുവരുത്തേണ്ടത് ബാർ ലൈസൻസുകാരുടെ ഉത്തരവാദിത്വമാണ്. മൂന്നു പേരുടെ മരണത്തിനിടയാക്കിയ മിനി കൂപ്പർ വാഹനാപകടത്തിൽ ഈ നിയമം പാലിക്കുന്നതിൽ ഗുരുതര വീഴ്ച സംഭവിച്ചിട്ടുണ്ട്. പ്രായപരിധി വ്യവസ്ഥകൾ നടപ്പിലാക്കുന്നുണ്ടെന്ന് ഉറപ്പാക്കാൻ എക്‌സൈസ് പരിശോധന ശക്തമാക്കും. സർക്കാരിന്റെ പുതിയ എക്‌സൈസ് നയം നവംബറിൽ പ്രഖ്യാപിക്കുമെന്നും ഇക്കാര്യം ഹൈക്കോടതിയെ അറിയിച്ചിട്ടുണ്ടെന്നും മന്ത്രി പറഞ്ഞു.