ബാർ ലൈസൻസ് വിവാദം; എക്‌സൈസ് കമ്മീഷണർ ശ്രീറാം സാംബശിവ റാവുവിനെ മാറ്റി

തിരുവനന്തപുരം: സംസ്ഥാന എക്‌സൈസ് കമ്മീഷണർ ശ്രീറാം സാംബശിവ റാവുവിനെ മാറ്റി. എക്‌സൈസിലെ അഡീഷണൽ കമ്മീഷണറെയാണ് പകരം ചുമതലപ്പെടുത്തിയിരിക്കുന്നത്. ബാർ ലൈസൻസുമായി ബന്ധപ്പെട്ട വിവാദങ്ങൾക്ക് പിന്നാലെയാണ് നടപടി.

ബേക്കറികൾ വഴി കൂടിയ വീര്യമുള്ള വൈൻ വിൽക്കാനുള്ള തീരുമാനം, പുതിയതായി ബാർ അനുവദിച്ചത്, രണ്ട് ബാറുകൾക്ക് ലൈസൻസ് പുതുക്കിനൽകിയത് തുടങ്ങിയവയുടെ പേരിൽ സാംബശിവറാവുവും സർക്കാരും തമ്മിൽ തർക്കം നിലനിൽക്കുന്നതിനെടാണ് നടപടി. പുതിയമദ്യനയം വരുന്നതുവരെ ഇത്തരത്തിലുള്ള നടപടികൾ പാടില്ലെന്നാണ് സർക്കാർ നിലപാട്. ബേക്കറികൾ വഴി കൂടിയ വീര്യമുള്ള വൈനുകൾ വിൽക്കാൻ അനുമതി നൽകിയ എക്‌സൈസ് കമ്മീഷണറുടെ നടപടി സർക്കാർ റദ്ദാക്കിയിരുന്നു. താൻ അറിയാതെയാണ് ഇത്തരത്തിലൊരു അനുമതി നൽകിയതെന്ന് എക്‌സൈസ് മന്ത്രി എം ലിജുവും വിമർശിച്ചിരുന്നു. അതേസമയം, നിയമമനുസരിച്ചുള്ള നടപടികൾ മാത്രമാണ് താൻ സ്വീകരിച്ചിട്ടുള്ളതെന്നായിരുന്നു സാംബശിവ റാവുവിന്റെ പ്രതികരണം.