കെ.പി.സി സി നേതൃമാറ്റ ചർച്ചകൾക്ക് വേഗം കൂടും

തിരുവനന്തപുരം: സംസ്ഥാനത്തെ പ്രധാനപ്പെട്ട കോൺഗ്രസ് നേതാക്കളുമായി കേരളത്തിന്റെ ചുമതലയുള്ള എ.ഐ.സി.സി ജനറൽ സെക്രട്ടറി ദീപാദാസ് മുൻഷി ചർച്ച നടത്തിയതിന് പിന്നാലെ, കെ.പി.സി.സി നേതൃമാറ്റ സാദ്ധ്യത തെളിയുന്നു.

കെ.പി.സി.സി അദ്ധ്യക്ഷ സ്ഥാനത്ത് കടിച്ചു തൂങ്ങാൻ താനില്ലെന്ന് ഇന്നലെ കെ.സുധാകരൻ എം.പി പ്രതികരിച്ചത് ഇത്തരം ചർച്ചകളിലുള്ള അദ്ദേഹത്തിന്റെ അതൃപ്തിയാണ് വെളിവാക്കുന്നത്. മാറ്റക്കാര്യത്തിൽ തീരുമാനമെടുക്കേണ്ടത് ഹൈക്കമാൻഡാണെന്ന രമേശ് ചെന്നിത്തലയും പറഞ്ഞിട്ടുണ്ട്. പ്രതിപക്ഷ നേതാവ് വി.ഡി.സതീശൻ പ്രതികരിച്ചിട്ടുമില്ല.

തിങ്കളാഴ്ച രാത്രി ഹൈദരബാദിലേക്ക് പോയ ദീപാദാസ് മുൻഷി ഇന്ന് വീണ്ടും കേരളത്തിലേക്ക് വരുന്നുണ്ട്. ആലപ്പുഴയിലെ പ്രധാന നേതാക്കളുമായി അവർ സംഘടനാ ചർച്ച നടത്തും. ഡി.സി.സി ഭാരവാഹികളെയും കണ്ടേക്കും. പരിക്കേറ്റ് എറണാകുളത്ത് ചികിത്സയിലുള്ള എ.ഐ.സി.സി സെക്രട്ടറി പി.വി.മോഹനനെയും സന്ദർശിക്കും. ഞായറാഴ്ച രാഷ്ട്രീയകാര്യ സമിതിയിൽ പങ്കെടുത്ത ശേഷം ദീപാദാസ് മുൻഷി ഒട്ടുമിക്ക നേതാക്കളുമായും ആശയവിനിമയം നടത്തി. അവർ നൽകുന്ന വിശദീകരണത്തിന്റെ അടിസ്ഥാനത്തിലാവും ഹൈക്കമാൻഡിന്റെ ഇടപെടൽ.

കെ.പി.സി.സി അദ്ധ്യക്ഷ സ്ഥാനത്ത് കടിച്ചുതൂങ്ങാനോ മുഖ്യമന്ത്രി ആകാനോ താനില്ലെന്നാണ് ഇന്നലെ സുധാകരൻ പറഞ്ഞത്.

നിയമസഭയിലേക്ക് ഇനി മത്സരിക്കാനില്ലെന്നും അദ്ദേഹം വ്യക്തമാക്കി. കെ.പി.സി.സി പ്രസിഡന്റ് മാറുമ്പോൾ പ്രതിപക്ഷ നേതാവ് മാറണമെന്ന നിർബ്ബന്ധമില്ല. പ്രസിഡന്റ് സ്ഥാനം വിട്ടുകൊടുക്കില്ലെന്ന വാശിയൊന്നും തനിക്കില്ല. യുക്തമായ തീരുമാനം ഹൈക്കമാൻഡിന് എടുക്കാമെന്നാണ് സുധാകരൻ പ്രതികരിച്ചത്.

കെ.പി.സി.സിയെ നയിക്കാൻ പ്രാപ്തനായ നേതാവാണ് കെ.സുധാകരനെന്നായിരുന്നു ഇന്നലെ ചെന്നിത്തല മാദ്ധ്യമങ്ങളോട് പറഞ്ഞത്. നിയമസഭാ തിരഞ്ഞെടുപ്പിന് മുന്നോടിയായി നേതൃമാറ്റം വേണമോ എന്നത് ഹൈക്കമാൻഡാണ് തീരുമാനിക്കേണ്ടത്. കോൺഗ്രസിലെ മുഖ്യമന്ത്രി ചർച്ചകൾ അനാവശ്യമാണെന്നും ഐക്യത്തിനാണ് ഇപ്പോൾ പ്രാധാന്യമെന്നുമാണ് ചെന്നിത്തല ആവർത്തിക്കുന്നു.

തു​ട​ര​ണ​മെ​ന്ന വാ​ശി​യി​ല്ല​:​ ​കെ.​ ​സു​ധാ​ക​രൻ

ക​ണ്ണൂ​ർ​:​ ​കെ.​പി.​സി.​സി.​ ​പ്ര​സി​ഡ​ന്റ് ​സ്ഥാ​നം​ ​വി​ട്ടു​ ​കൊ​ടു​ക്കി​ല്ലെ​ന്ന​ ​വാ​ശി​യി​ല്ലെ​ന്ന് ​കെ.​ ​സു​ധാ​ക​ര​ൻ.​ ​ത​നി​ക്ക് ​ഇ​തൊ​രു​ ​ആ​ഢം​ബ​ര​മോ​ ​അ​ല​ങ്കാ​ര​മോ​ ​അ​ല്ല.​ ​യു​ക്ത​മാ​യ​ ​തീ​രു​മാ​നം​ ​കേ​ന്ദ്ര​ ​നേ​തൃ​ത്വ​ത്തി​ന് ​എ​ടു​ക്കാം.​ ​ആ​രെ​യും​ ​പ്ര​സി​ഡ​ന്റാ​ക്കാം.​ ​ആ​ ​പ്ര​സി​ഡ​ന്റി​ന് ​സ​ഹ​ക​ര​ണം​ ​കൊ​ടു​ക്കും.​ ​നേ​തൃ​മാ​റ്റ​ ​ച​ർ​ച്ച​ക​ൾ​ ​ന​ട​ക്കു​ന്നി​ല്ലെ​ന്നും​ ​അ​ത്ത​രം​ ​ച​ർ​ച്ച​ക​ൾ​ക്ക് ​ആ​രും​ ​എ​തി​ര​ല്ലെ​ന്നും​ ​അ​ദ്ദേ​ഹം​ ​മാ​ദ്ധ്യ​മ​ങ്ങ​ളോ​ട് ​പ​റ​ഞ്ഞു.കെ.​പി.​സി.​സി.​ ​പ്ര​സി​ഡ​ന്റ് ​സ്ഥാ​നം​ ​വ​ലി​യ​ ​സ്വ​പ്ന​മ​ല്ല.​ ​മു​ഖ്യ​മ​ന്ത്രി​ ​സ്ഥാ​നം​ ​പോ​ലും​ ​സ്വ​പ്ന​മ​ല്ല.​ ​ത​ന്റെ​ ​രാ​ഷ്ട്രീ​യം​ ​സി.​പി.​എ​മ്മി​നെ​തി​രാ​യ​ ​കോ​ൺ​ഗ്ര​സ് ​രാ​ഷ്ട്രീ​യ​മാ​ണ്.​ ​ആ​റോ​ ​ഏ​ഴോ​ ​വ​യ​സു​ ​മു​ത​ൽ​ ​സി.​പി.​എ​മ്മി​നെ​തി​രേ​ ​പോ​രാ​ടു​ന്ന​യാ​ളാ​ണ്.​ ​ആ​ ​പോ​രാ​ട്ടം​ ​തു​ട​രും.​കെ.​പി.​സി.​സി.​ ​പ്ര​സി​ഡ​ന്റാ​യി​ല്ലെ​ങ്കി​ൽ​ ​വാ​യു​വി​ൽ​ ​പ​റ​ന്നു​ ​പോ​കി​ല്ല.​ ​താ​ൻ​ ​ജ​ന​മ​ന​സി​ലു​ണ്ട്.​ ​അ​ടു​ത്ത​ ​നി​യ​മ​സ​ഭാ​ ​തി​ര​ഞ്ഞെ​ടു​പ്പി​ൽ​ ​പാ​ർ​ട്ടി​യെ​ ​ന​യി​ക്കാ​നു​ണ്ടാ​കും.​ ​മ​ത്സ​രി​ക്കാ​ൻ​ ​താ​ൽ​പ​ര്യ​മി​ല്ലെന്നും അദ്ദേഹം പറഞ്ഞു.

.