മുൻമന്ത്രിയുടെ വിദേശയാത്ര അന്വേഷിക്കും

തിരുവനന്തപുരം: മെസിയുടെ പേരിലെ തട്ടിപ്പിൽ ഫുട്ബാൾ ഓസ്ട്രേലിയയുമായി കരാറുണ്ടാക്കിയതും മുൻമന്ത്രി വി.അബ്ദുറഹിമാനടക്കം നടത്തിയ വിദേശ സന്ദർശനങ്ങളും അന്വേഷിക്കും. ഇടപാടിന്റെ തുടക്കം മുതലുള്ള കാര്യങ്ങളിൽ അന്വേഷണം നടത്തുമെന്ന് ആഭ്യന്തര അഡി.ചീഫ്സെക്രട്ടറി മിൻഹാജ് അലത്തിന്റെ ഉത്തരവിൽ പറയുന്നു.

അന്വേഷണ വിഷയങ്ങൾ

റിപ്പോർട്ടർ ബ്രോഡ്‌കാസ്റ്റിംഗ് കമ്പനിയെ സ്പോൺസറാക്കിയത്. ഗോട്ട്ആഡ് / ഗോട്ട്ആഡ് ഗ്ലോബൽ, മറ്റ് സ്വകാര്യ സ്ഥാപനങ്ങൾ, ഇടനിലക്കാർ എന്നിവരുടെ പങ്ക്

ഏതെങ്കിലും സ്വകാര്യ സ്ഥാപനത്തിന് അനാവശ്യ ആനുകൂല്യമോ സാമ്പത്തിക നേട്ടമോ നൽകിയിട്ടുണ്ടോ. സർക്കാരിനോ പൊതുസ്ഥാപനങ്ങൾക്കോ നഷ്ടമുണ്ടായോ ?

ഫണ്ടിന്റെയും സ്പോൺസർഷിപ്പ് തുകയുടെയും ഉറവിടവും സ്ഥാപനങ്ങളും വ്യക്തികളും തമ്മിലുള്ള സാമ്പത്തിക ഇടപാടുകളും

സർക്കാർ ഉത്തരവുകൾ, അനുമതികൾ, ഇളവുകൾ, ഒഴിവാക്കലുകൾ, പൊതു ആസ്തികളുടെ ഉപയോഗം എന്നിവ അനുവദിച്ച സാഹചര്യം

കൊച്ചി ജവഹർലാൽ നെഹ്റു സ്റ്റേഡിയം വിട്ടുകൊടുത്തത്, ഉപയോഗിച്ചത്, അവിടെ നടത്തിയ ചെലവും പ്രവൃത്തികളും

 വിവിധ ഘട്ടങ്ങളിൽ ഉൾപ്പെട്ട പൊതുപ്രവർത്തകർ, ഉദ്യോഗസ്ഥർ, സ്വകാര്യ വ്യക്തികൾ, കമ്പനികൾ, ഇടനിലക്കാർ, മറ്റ് സ്ഥാപനങ്ങൾ എന്നിവരുടെ പങ്ക്

അഴിമതി നിരോധന നിയമപ്രകാരമോ ബാധകമായ മറ്റ് നിയമങ്ങൾ പ്രകാരമോ ഉള്ള കുറ്റകൃത്യങ്ങൾ നടന്നിട്ടുണ്ടോ