നിക്ഷേപക വാഗ്ദാനങ്ങൾ മുടങ്ങുന്നത് പരിശോധിക്കും: മുഖ്യമന്ത്രി

തിരുവനന്തപുരം: നിക്ഷേപക വാഗ്ദാനങ്ങൾ എന്തു കൊണ്ട് വഴിയിൽ കിടക്കുന്നെന്നും തീരുമാനമാവാത്തത് എന്തു കൊണ്ടാണെന്നും പരിശോധിക്കാനുള്ള സംവിധാനം ഡാറ്റാ ഡ്രിവൺ ഗവേണൻസിന്റെ ഭാഗമായി ഒരുക്കുമെന്ന് മുഖ്യമന്ത്രി വി.ഡി സതീശൻ വാർത്താസമ്മേളനത്തിൽ പറഞ്ഞു. വകുപ്പുകളിലെ ഇതുസംബന്ധിച്ച കാര്യങ്ങൾ മുഖ്യമന്ത്രിയുടെയും ചീഫ്സെക്രട്ടറിയുടെയും ഓഫീസുകളിൽ അറിയാനാവും. പദ്ധതികളിലെ കാലതാമസവും അറിയാം.

തുറമുഖ സിറ്റി പദ്ധതിയിൽ രാജ്യത്തും വിദേശത്തും നിന്ന് നിരവധി നിക്ഷേപകരെത്തുന്നു. സിംഗപ്പൂർ, ഗൾഫ്, യൂറോപ്പ് എന്നിവിടങ്ങളിൽ നിന്നുമുണ്ട്. നടപടികൾക്ക് സുതാര്യത ഉറപ്പാക്കും. പല സർക്കാരുകളും നിക്ഷേപ താത്പര്യമറിയിച്ചിട്ടുണ്ട്. സ്വകാര്യ കമ്പനികൾ വരുമ്പോൾ ടെൻഡറോ താത്പര്യപത്രമോ വേണം. സിംഗപ്പൂർ ചാംഗി എയർപോർട്ടിലേതു പോലെ കൊച്ചിയൽ അന്താരാഷ്ട്ര കൺവെഷൻ സെന്റർ വരും.

ഹെലികോപ്ടർ കരാർ

പുതുക്കില്ല

വർഷം പത്തു കോടിയോളം ചെലവുള്ള ഹെലികോപ്ടർ വാടകക്കരാർ പുതുക്കില്ല. എന്നാൽ പൊലീസിനും അവയവദാനത്തിനുമടക്കം അത്യാവശ്യങ്ങൾക്ക് കോപ്ടർ വേണ്ടി വരും.. ഇപ്പോഴത്തെ നിരക്കിൽ 5 കൊല്ലത്തെ വാടകയുണ്ടെങ്കിൽ 50 കോടിക്ക് കോപ്ടർ വാങ്ങാം. വാടകയ്ക്ക് നൽകി ആ തുകകൊണ്ട് വായ്പ തിരിച്ചടയ്ക്കാം. എല്ലാ വശങ്ങളും ആലോചിച്ച് ബുദ്ധിപൂർവ്വമായ തീരുമാനമുണ്ടാകും. ആരോഗ്യ രംഗത്തെ നേട്ടങ്ങളുടെ പേരിൽ കേരളത്തിന് എയിംസ് നിഷേധിക്കുന്ന കേന്ദ്ര നിലപാട് തെറ്റാണ്.

മരുന്നു ക്ഷാമം എല്ലായിടത്തുമില്ല. 28 മരുന്നുകൾക്കാണ് ചിലേടത്ത് പ്രശ്നമുണ്ടായത്. കഴിഞ്ഞവർഷത്തെ ഇൻഡെന്റ് ശരിയല്ലാത്തതുകൊണ്ടാണ് ഇത് സംഭവിച്ചത്. ഈ സർക്കാരുണ്ടാക്കിയ ക്ഷാമമല്ല. മരുന്നുകൾ ഉള്ള സ്ഥലത്ത് നിന്ന് ഇല്ലാത്തിടത്തേക്ക് മാറ്റി. ഇല്ലാത്ത മരുന്നുകൾ ലോക്കൽ പർച്ചേസ് നടത്താൻ അനുമതി നൽകി.

നൂ​റു​ദി​ന​ ​ക​ർമ്മ പ​ദ്ധ​തി​:​

96.8% പൂ​ർ​ത്തി​യാ​യി

യു.​ഡി.​എ​ഫ് ​സ​ർ​ക്കാ​രി​ന്റെ​ ​ആ​ദ്യ​ ​നൂ​റു​ ​ദി​ന​ ​ക​ർ​മ്മ​ ​പ​ദ്ധ​തി​യി​ൽ​ ​ല​ക്ഷ്യ​മി​ട്ട​ 588​ ​പ​ദ്ധ​തി​ക​ളി​ൽ​ 568​ ​എ​ണ്ണ​വും​ ​പൂ​ർ​ത്തീ​ക​രി​ച്ചെ​ന്ന് ​മു​ഖ്യ​മ​ന്ത്രി​ ​വി.​ഡി.​ ​സ​തീ​ശ​ൻ.​ 20​ ​പ​ദ്ധ​തി​ക​ൾ​ 90​ ​ശ​ത​മാ​നം​ ​പൂ​ർ​ത്തി​യാ​ക്കി.​ ​വ​ൻ​കി​ട​ ​പ​ദ്ധ​തി​ക​ൾ​ ​ഏ​റ്റെ​ടു​ക്കാ​ൻ​ ​സ​ർ​ക്കാ​രി​ന് ​വ​ലി​യ​ ​ആ​ത്മ​വി​ശ്വാ​സം​ ​പ​ക​രു​ന്ന​താ​ണ് ​പ​ദ്ധ​തി​യു​ടെ​ ​വി​ജ​യംനൂ​റു​ദി​ന​ ​ക​ർ​മ്മ​ ​പ​ദ്ധ​തി​യി​ലൂ​ടെ​ ​ല​ക്ഷ​ക്ക​ണ​ക്കി​ന് ​സാ​ധാ​ര​ണ​ക്കാ​ർ​ക്ക് ​ഗു​ണം​ ​ല​ഭി​ച്ചു.​ ​പ​ദ്ധ​തി​ ​ചെ​ലു​ത്തി​യ​ ​സ്വാ​ധീ​നം​ ​സം​ബ​ന്ധി​ച്ച് ​റി​പ്പോ​ർ​ട്ട് ​പ്ര​സി​ദ്ധീ​ക​രി​ക്കും.​ ​