ആർ.എസ്.എസ് പരിപാടിക്ക് സംരക്ഷണം നൽകിയത് അപലപനീയം: പിണറായി 

തിരുവനന്തപുരം: കാസർകോട്ടെ കേന്ദ്ര സർവകലാശാലയിൽ ആർ.എസ്.എസ് പരിപാടിക്ക് പൊലീസ് സംരക്ഷണം നൽകിയത് അപലപനീയമാണെന്ന് പ്രതിപക്ഷനേതാവ് പിണറായി വിജയൻ. സംഘപരിവാർ സംഘടനയൊഴികെയുള്ള മറ്റു വിദ്യാർത്ഥി സംഘടനകളാകെ പ്രതിഷേധിച്ചിട്ടും പരിപാടിക്ക് സർക്കാർ ഒത്താശ ചെയ്യുകയായിരുന്നു. വന്ദേമാതരത്തിന്റെ 150-ാം വാർഷികത്തോടനുബന്ധിച്ച് സംഘടിപ്പിച്ച ദേശീയ സെമിനാറിന്റെ രാഷ്ട്രീയം പ്രകടമാണ്. അക്കാഡമിക് പരിപാടിയാണെങ്കിൽ അക്കാ‌ഡമിക് പശ്ചാത്തലമില്ലാത്ത ആർ.എസ്.എസ് നേതാവിനെ ക്ഷണിച്ചതിന് എന്തു ന്യായീകരണമാണ് പറയാനുള്ളത്? രജിസ്റ്റർ ചെയ്ത വിദ്യാർത്ഥികളെപ്പോലും ഹാളിലേക്ക് പ്രവേശിപ്പിക്കാതെ തടഞ്ഞുനിറുത്തിയെന്നും അദ്ദേഹം പറഞ്ഞു.