പൊലീസിന് 350 വാഹനങ്ങൾ വാങ്ങും

തിരുവനന്തപുരം:പൊലീസിന് 350 വാഹനങ്ങൾ വാങ്ങാൻ ആഭ്യന്തരവകുപ്പ് ഉത്തരവിറക്കി. പ്ലാൻ ഫണ്ടിലെ 43.35കോടി ചെലവിട്ടാണിത്. പൊലീസ് സ്റ്രേഷനുകൾ, കൺട്രോൾ റൂമുകൾ, ബറ്റാലിയൻ, തീരദേശ പൊലീസ് എന്നിവയ്ക്കായുള്ള വാഹനങ്ങളാണ് വാങ്ങുന്നത്. കാലാവധി കഴിയാറായ വാഹനങ്ങൾക്ക് പകരമാണ് ഇവ ഉപയോഗിക്കുക. ജീപ്പുകൾ, ഫോർ വീൽ വാഹനങ്ങൾ, മുതിർന്ന ഉദ്യോഗസ്ഥർക്കുള്ള കാറുകൾ, 120 ഇരുചക്ര വാഹനങ്ങൾ, 20 ബസുകൾ, 4 ഹെവി റിക്കവറി വാഹനങ്ങൾ, 6 മിനി റിക്കവറി വാഹനങ്ങൾ, വാട്ടർ ടാങ്കർ, 6 സ്പീഡ് ബോട്ട് എന്നിവയാണ് വാങ്ങുക.