പൊലീസിന്റെ ഇൻസ്റ്റ പേജിന് ഫോളോവേഴ്സ് രണ്ട് മില്യൺ

തിരുവനന്തപുരം: കേരള പൊലീസിന്റെ ഔദ്യോഗിക ഇൻസ്റ്റാഗ്രാം പേജിന്റെ ഫോളോവേഴ്സിന്റെ എണ്ണം രണ്ട് മില്യൺ കടന്നു. പൊലീസിന്റെ ഫേസ്ബുക്ക് പേജിന് 2.3മില്യൺ ഫോളേവേഴ്സുണ്ട്. ജനങ്ങളുമായുള്ള ആശയവിനിമയം കൂടുതൽശക്തിപ്പെടുത്താനും സുരക്ഷാ സന്ദേശങ്ങൾ അതിവേഗം ജനങ്ങളിലെത്തിക്കാനും ബോധവത്കരണത്തിനുമാണ് സമൂഹമാദ്ധ്യമങ്ങളെ പൊലീസ് ഉപയോഗിക്കുന്നത്. സൈബർ ഓപ്പറേഷൻസ് എസ്. പി, അങ്കിത് അശോകന്റെ മേൽനോട്ടത്തിൽ പൊലീസ് സോഷ്യൽ മീഡിയ സെല്ലിലെ സീനിയർ സിവിൽ പൊലീസ് ഓഫീസർ അരുൺ ബി ടി, ഹവിൽദാർ നിധീഷ്. സി എന്നിവരാണ് പൊലീസിന്റെ ഔദ്യോഗിക സാമൂഹ്യ മാധ്യമ അക്കൗണ്ടുകൾ കൈകാര്യം ചെയ്യുന്നത്.