രാമായണപാരായണ മഹായജ്ഞം

ആലപ്പുഴ: സനാതന ധർമ്മ പാഠശാലയുടെ നേതൃത്വത്തിൽ പുന്നപ്ര അറവുകാട് ശ്രീദേവി ക്ഷേത്രത്തിൽ ഞായറാഴ്ച രാവിലെ 10 മുതൽ വൈകിട്ട് അഞ്ചുവരെ ഒരേവേദിയിൽ 1000പേർ സംഗമിക്കുന്ന രാമായണപാരായണ മഹായജ്ഞം നടക്കും. മൂല്യാധിഷ്ഠിത ജീവിതത്തിലേക്ക് വിദ്യാർത്ഥികളെയും സമാജത്തെയും ഉയർത്തുകയെന്ന ലക്ഷ്യത്തിൽ 2019 ജൂലായിൽ രാജേഷ് നാദാപുരത്തിന്റെ നേതൃത്വത്തിൽ ആരംഭിച്ച ധർമപാഠശാലയിൽ 250ലധികം രാമായണ ഗുരുക്കൻമാർ ഓൺലൈൻ, ഓഫ് ലൈനായി രാമായണ പാരായണം പഠിപ്പിക്കുന്നുണ്ട്. വാർത്താസമ്മേളത്തിൽ ജില്ലാ പ്രസിഡന്റ് കവിത വേണുഗോപാൽ, സെകട്ടറി ബി. ശ്രീജിത്, ട്രഷറർ പി. ആർ. ജയന്തി, പബ്ലിസിറ്റി കൺവീനർ ജി. അനിൽകുമാർ എന്നിവർ പങ്കെടുത്തു.