നഗരത്തിൽ നാളെ ഗതാഗതനിയന്ത്രണം

ആലപ്പുഴ: നെഹ്​റുട്രോഫി വള്ളംകളിയോടനുബന്ധിച്ച്​ നാളെ രാവിലെ ഒമ്പത്​ മുതൽ നഗരത്തിൽ ഗതാഗതനിയന്ത്രണം ഏർപ്പെടുത്തി. ഉച്ചക്ക്​ ഒന്ന്​ മുതൽ വൈകീട്ട്​ ആറുവരെ ആലപ്പുഴ കെ.എസ്​.ആർ.ടി.സി സ്റ്റാൻഡിലേക്ക്​ വാഹനങ്ങൾ കടത്തിവിടുന്നില്ല. എറണാകുളം ഭാഗത്ത് നിന്ന് വരുന്ന കെ.എസ്​.ആർ.ടി.സി ബസുകൾ ശവക്കോട്ടപ്പാലം വടക്കേ ജം​ഷനിൽനിന്ന്​ കിഴക്കോട്ട് തിരിഞ്ഞ് മട്ടാഞ്ചേരി പാലം, വഴിച്ചേരി പാലം വഴി പ്രൈവറ്റ് ബസ് സ്റ്റാൻഡിലെത്തി ആളുകളെ ഇറക്കിയശേഷം വൈ.എം.സി.എ ജംഗ്​ഷൻ, ജനറൽ ആശുപത്രി ജംഗ്​ഷൻ വഴി തെക്കു ഭാഗത്തേക്ക് പോകണം.
കൊല്ലം ഭാഗത്ത് നിന്നും വരുന്ന കെ.എസ്​.ആർ.ടി.സി ബസുകൾ ജനറൽ ആശുപത്രി ജംഗ്​ഷൻ, വൈ.എം.സി.എ ജംഗ്ഷൻ വഴി പ്രൈവറ്റ് ബസ് സ്റ്റാൻഡിലെത്തി ആളെയിറക്കി ശവക്കോട്ടപ്പാലം തെക്കേ ജംഗ്​ഷൻ വഴി എറണാകുളം ഭാഗത്തേക്ക് പോകണം..
ആലപ്പുഴ-ചങ്ങനാശ്ശേരി റോഡിലൂടെ വരുന്ന കെ.എസ്​.എസ്.ആർ.ടി.സി ബസുകളിൽ ആലപ്പുഴ സ്റ്റാൻഡിൽ യാത്ര അവസാനിപ്പിക്കേണ്ടവ കൈതവന ജംഗ്​ഷനിൽ നിന്നും പഴവീട്, കൊട്ടാരം ജംഗ്​നിലെത്തി ആളുകളെയിറക്കിയ ശേഷം ജനറൽ ആശുപത്രി തെക്കേ ജംഗ്​ഷൻ, ചങ്ങനാശ്ശേരി ജംഗ്ഷൻ വഴി തിരികെ പോകണം.
നെഹ്റുട്രോഫി വള്ളംകളി കാണാൻ എത്തുന്നവർ അവരുടെ വാഹനങ്ങൾ റിക്രിയേഷൻ ഗ്രൗണ്ടിലും ആലപ്പുഴ ബീച്ച്‌ പൊലീസ്​ എയ്‌ഡ്‌ പോസ്റ്റിന് തെക്കുവശം എലിവേറ്റഡ് ബൈപാസിന് താഴെയും പാർക്ക് ചെയ്യണം. ആലപ്പുഴ പൊലീസ് പരേഡ് ഗ്രൗണ്ടിന് സമീപത്ത് നിന്നും നിശ്ചിത ഇടവേളകളിൽ ബോട്ട് ജെട്ടി ഭാഗത്തേക്ക് കെ.എസ്.ആർ.ടി.സി ഫീഡർ ബസ് സർവീസ്​ നടത്തും.