നിറച്ചാർത്ത് ചിത്രപ്രദർശനം

കൊച്ചി: ജലച്ചായ ചിത്രകാരന്മാരുടെ കൂട്ടായ്മയുടെ 'നിറച്ചാർത്ത്" ചിത്രപ്രദർശനം ഫോർട്ട്കൊച്ചിയിലെ ഡേവിഡ് ഹാൾ ആർട്ട് ഗാലറിയിൽ ആരംഭിച്ചു. 5-ാം തീയതി അവസാനിക്കുന്ന പ്രദർശനം രാവിലെ 10 മുതൽ രാത്രി എട്ടുവരെയാണ്. അഞ്ജലി ഗോപാൽ, അനുപമ രാജീവ്, ആശ നായർ, ബെന്നി ദേവസി, ഗീത മേരി എലിസബത്ത്, ഹെലൻ ജോർജ്, എം. ജയകൃഷ്ണൻ, കെ. മോഹൻരാജ്, വൈ. നന്ദാദേവി, കെ.പി. പ്രശാന്ത്,​ രമണി മാത്യു, ബി. സഞ്ജു, ഷീല കൊച്ചൗസേപ്പ് ചിറ്റിലപ്പിള്ളി, സുധി എന്നിവരുടെ ചിത്രങ്ങളാണ് പ്രദർശനത്തിനുള്ളത്. സൗഹൃദം, സർഗാത്മകത, പഠനം, ജലച്ചായ ചിത്രകലയോടുള്ള കൂട്ടായ അഭിനിവേശം എന്നിവയുടെ ആഘോഷമാണ് നിറച്ചാർത്ത് ചിത്ര പ്രദർശനമെന്ന് ചിത്രകാരന്മാർ പറഞ്ഞു.