സൗജന്യ അർബുദ നിർണയ ക്യാമ്പ്

കൊച്ചി: കോർപ്പറേഷനിലെ ഹരിത കർമ്മ സേനാംഗങ്ങൾക്കായി സൗജന്യ അർബുദ നിർണയ ക്യാമ്പ് സംഘടിപ്പിച്ചു. രാജഗിരി ആശുപത്രിയും കൊച്ചി കോർപ്പറേഷനും ഹരിത കേരളം മിഷനും ഇന്ത്യൻ കാൻസർ സൊസൈറ്റിയും ചേർന്ന് സംഘടി​പ്പി​ച്ച ക്യാമ്പ് ഡെപ്യൂട്ടി മേയർ വി.ആർ. സുധീർ ഉദ്ഘാടനം ചെയ്തു. സീന ഗോകുലൻ അദ്ധ്യക്ഷനായി. ഡോ. സണ്ണി പി. ഓരത്തേൽ, ഡോ. ടി​.എസ്. അമൃത എന്നിവർ ക്ലാസെടുത്തു. കൗൺസിലർ ആൽബർട്ട് അമ്പലത്തിങ്കൽ, ഹെൽത്ത് ഓഫീസർ ജി​. കൃഷ്ണകുമാർ, കോർപ്പറേഷൻ സെക്രട്ടറി പി. എസ്. ഷിബു, ഹരിത കേരളം മിഷൻ ബ്ലോക്ക് കോഓർഡിനേറ്റർ എ. നിസ എന്നിവർ സംസാരിച്ചു.