ഗോപിക്ക് തുണയായി ഗാന്ധിഭവൻ

കൊല്ലം: ഗുരുതര ഹൃദ്രോഗത്താലും ശാരീരിക അവശതകളാലും ദുരിതം അനുഭവിച്ച ഗോപി എന്ന വൃദ്ധൻ മുഖ്യമന്ത്രിയുടെ മണ്ഡലമായ പരവൂരിൽ വാടകമുറിയിൽ ഒറ്റയ്ക്ക് താമസിച്ചുവരികയായിരുന്നു. വിവിധ രോഗങ്ങൾക്ക് അടിമപ്പെട്ട് അവശനായിരുന്നു. ഇദ്ദേഹത്തെ പരിചരിക്കാനോ ഭക്ഷണം നൽകുന്നതിനോ ബന്ധുക്കളോ മറ്റ് ഉറ്റവരോ ഉണ്ടായിരുന്നില്ല. ദുരിതാവസ്ഥ അറിഞ്ഞ പഞ്ചായത്ത് അധികൃതരും നാട്ടുകാരും വിവരം മുഖ്യമന്ത്രിയെ ധരിപ്പിച്ചു. മുഖ്യമന്ത്രി ഉടൻതന്നെ പത്തനാപുരം ഗാന്ധിഭവനിൽ ബന്ധപ്പെട്ടു. നാട്ടുകാരുടെ സാന്നിദ്ധ്യത്തിൽ ഗാന്ധിഭവൻ അധികൃതരെത്തി ഗോപിയെ ഏറ്റെടുക്കുകയായിരുന്നു. ഗാന്ധിഭവനിൽ സംരക്ഷണവും വിദഗ്ദ്ധ ചികിത്സകളും ആരംഭിച്ചു.