ഓൺലൈൻ ഓർഡർ പാളി, സി.സി ടിവിക്കു പകരം മണ്ണ്!

​കുണ്ടറ: ഓൺലൈൻ ഷോപ്പിംഗിൽ ഹരം കയറി, കണ്ണിൽ കാണുന്ന ലിങ്കിലൊക്കെ 'ക്ളി​ക്കി​'യാൽ പണം പോകുന്ന വഴി അറിയില്ലെന്നതാണ് മോഹനൻപിള്ളയുടെ അനുഭവം നൽകുന്ന ഗുണപാഠം. സി.സി.ടി.വി ക്യാമറ ഓർഡർ ചെയ്ത്, 999 രൂപ ഓൺലൈൻ വഴി അടച്ച മോഹനൻ പിള്ളയ്ക്ക് ലഭിച്ചത് ഒരു ബോക്സ് നിറയെ മണ്ണ്!

വെള്ളിമൺ ഇടവട്ടം ശ്രീകൃഷ്ണ വിലാസത്തിൽ, ഹോട്ടലുടമയായ മോഹനൻപിള്ള (57) ആദ്യമായല്ല ഓൺ​ലൈനി​ൽ സാധനങ്ങൾ വാങ്ങുന്നത്. ഭൂരി​ഭാഗം ഷോപ്പിംഗും പ്രമുഖ ഓൺ​ലൈൻ സൈറ്റുകൾ വഴി​യായി​രുന്നു. പക്ഷേ, ഇത്തവണ പണി​കി​ട്ടാൻ കാരണം യു ട്യൂബി​ലെ ഒരു പരസ്യം കണ്ണുമടച്ച് വി​ശ്വസി​ച്ചു എന്നതായി​രുന്നു. സി​.സി​ ടി​വി​യുടെ ചി​ത്രങ്ങൾ അടക്കം വന്ന പരസ്യത്തി​ലെ ലി​ങ്കി​ൽ ക്ളി​ക്ക് ചെയ്തപ്പോൾ ഓൺ​ലൈൻ വഴി​ വി​ലാസം നൽകി​ പണമടയ്ക്കേണ്ട പേജി​ലെത്തി​. ഇക്കാര്യത്തി​ൽ പരി​ചി​തനായ മോഹനൻപി​ള്ള പി​ന്നെ തി​രി​ഞ്ഞുനോക്കി​യി​ല്ല!

അഞ്ച് ദിവസത്തിന് ശേഷം സാധനം വീട്ടിലെത്തിയപ്പോഴാണ് തട്ടിപ്പ് ബോദ്ധ്യമായത്. പാഴ്സൽ എത്തിച്ച ഡെലിവറി ബോയിയെ ഉടൻതന്നെ ബന്ധപ്പെട്ടെങ്കിലും അയാൾ കൈമർലത്തി. ബോക്സിൽ എന്താണെന്ന് അറിയില്ലെന്നായിരുന്നു മറുപടി. എങ്കിലും അന്വേഷിക്കാനായി തനിക്ക് അറിയാവുന്ന 'ഫ്രം അഡ്രസ്' ഡെലിവറി ജീവനക്കാരൻ കൈമാറി. ഇതുൾപ്പെടെ കുണ്ടറ പൊലീസ് സ്റ്റേഷനിൽ പരാതി നൽകി കാത്തിരിക്കുകയാണ് മോഹനൻ പിള്ള.