ലഹരി വസ്തുവുമായി യുവാവ് പിടിയിൽ

​കൊല്ലം: ഓപ്പറേഷൻ തണ്ടറിന്റെ ഭാഗമായി കൊല്ലം എക്സൈസ് നടത്തിയ പരിശോധനയിൽ 3.058 ഗ്രാം മെത്തഫെറ്റാമിനുമായി കൊറ്റങ്കര മാമൂട് സ്വദേശി ആഷിഖിനെ (തൽഹത്ത്- 24) അറസ്റ്റ് ചെയ്തു. കിളികൊല്ലൂർ, കരിക്കോട് പ്രവർത്തിക്കുന്ന ലോഡ്ജിൽ നടത്തിയ പരിശോധനയിലാണ് പ്രതി പിടിയിലായത്. ലോഡ്ജിന്റെ രണ്ടാം നിലയിലെ മുറിയിലാണ് ലഹരിവസ്തു സൂക്ഷിച്ചിരുന്നത്.കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. കൊല്ലം എക്സൈസ് റേഞ്ച് ഇൻസ്പെക്ടർ പി. ശങ്കറിന്റെ നേതൃത്വത്തിൽ ​പ്രിവന്റീവ് ഓഫീസർമാരായ ദിലീപ് കുമാർ, ഷെഫീക്ക്, ​സിവിൽ എക്സൈസ് ഓഫീസർമാരായ ബി. അഖിൽ, സൂരജ്, സാലിം,​ വനിതാ സിവിൽ എക്സൈസ് ഓഫീസർ ഷീജ കുമാരി,​ ഡ്രൈവർ സന്തോഷ് എന്നിവരടങ്ങിയ സംഘമാണ് പ്രതിയെ പിടികൂടിയത് .