എൽ.പി.ജിക്ക് വേണ്ടിയുള്ള കാത്തിരിപ്പ് കുറയുന്നു

ചാത്തന്നൂർ: ഗാർഹിക ആവശ്യത്തിനുള്ള എൽ.പി.ജി സിലിണ്ടറുകൾ ബുക്ക് ചെയ്യുന്നതിനുള്ള കാത്തിരിപ്പ് സമയം കുറഞ്ഞത് ഗ്യാസ് പ്രതിസന്ധിയ്ക്ക് പരിഹാരമായി​. ഗ്യാസ് ബുക്ക്‌ ചെയ്തതിന് ശേഷമുള്ള കാത്തിരിപ്പ് സമയം കേന്ദ്രസർക്കാർ 45 ദിവസത്തിൽ നിന്ന് 25

ആക്കി​യതാണ് ആശ്വാസമായത്. ഐ.ഒ.സിയുടെ പാരിപ്പള്ളി പ്ലാന്റിൽ നിന്ന് ഏജൻസികളിലേക്കുള്ള സിലിണ്ടർ വിതരണം പഴയതു പോലെയായെന്ന് എജൻസി അധികൃതർ വ്യക്തമാക്കി. പശ്ചിമേഷ്യയിലെ സംഘർഷങ്ങളെതുടർന്ന് ഗ്യാസ് ലഭ്യതയിലുണ്ടായ പ്രതിസന്ധി പരിഹരിക്കാനാണ് ഈ വർഷം ആദ്യം ഗ്യാസ് ബുക്കിംഗിന് താത്കാലിക നിയന്ത്രണങ്ങൾ ഏർപ്പെടുത്തിയത്. 2026 മാർച്ചിൽ പെട്രോളിയം മന്ത്രാലയം നഗര പ്രദേശങ്ങളിലുള്ളവർക്ക് 25 ദിവസവും ഗ്രാമീണ മേഖലയിലുള്ളവർക്ക് 45 ദിവസവുമായി ബുക്കിംഗ് ഇടവേള നിശ്ചയിച്ചു. രാജ്യത്ത് എൽ.പി.ജി ലഭ്യത വർദ്ധിച്ചതിനെ തുടർന്നാണ് നിയന്ത്രണം നീക്കിയത്.