മത്സ്യത്തൊഴിലാളികളുടെ ഇൻഷ്വറൻസ് പരിഷ്കരിക്കണം

കൊല്ലം: മത്സ്യബന്ധനത്തി​നി​ടെ കടലി​ൽ വച്ച് ഹൃദയാഘാതവും മറ്റുമുണ്ടായി​ മരി​ക്കുന്നവർക്ക് ഇൻഷ്വറൻസ് തുക ലഭ്യമാക്കണമെന്ന് തീരദേശ മത്സ്യത്തൊഴിലാളി സംരക്ഷണ സമിതി ആവശ്യപ്പെട്ടു. ഇക്കാര്യമുന്നയി​ച്ച് സമരമാർഗ്ഗങ്ങൾ സംഘടിപ്പിക്കാൻ തീരദേശ മത്സ്യത്തൊഴിലാളി കുടുംബാംഗങ്ങളുടെയും മത്സ്യത്തൊഴിലാളികളുടെയും യോഗം 19ന് വൈകി​ട്ട് 6 30ന് തങ്കശേരി ഹോളി ക്രോസ് ഓഡിറ്റോറിയത്തിൽ നടക്കും. കൊല്ലം ബെൻസിഗർ ആശുപത്രിയുടെ ഒപ്പമുണ്ട് എപ്പോഴും പദ്ധതി പ്രകാരമുള്ള തുക മത്സ്യബന്ധനത്തി​ടെ ഹൃദയാഘാതം മൂലം മരി​ച്ച ജാക്സൺ പീറ്ററിന്റെ കുടുംബത്തി​ന് ബെൻസിഗർ ഡയറക്ടർ ഫാ. ബിനു തോമസ് തുപ്പാശ്ശേരി കൈമാറി. മത്സ്യത്തൊഴിലാളി സംരക്ഷണ സമിതിയുടെ നേതാക്കളായ ഫാ. ബിനു തോമസ് തുപ്പാശ്ശേരി, ഫാ. അഗസ്റ്റിൻ, ജേക്കബ് എസ്.മുണ്ടപ്പുളം, സിസ്റ്റർ ജീന മേരി, സിസ്റ്റർ സിർലാ മേരി, സുനിൽ മത്തായി മൈക്കൾ,ബിജു ആന്റണി തുടങ്ങിയവർ സംസാരി​ച്ചു.