അനുസ്മരണ പരിപാടി

വടകര: ഇന്ത്യൻ സോഷ്യലിസ്റ്റ് ജനതാദൾ ഏറാമല പഞ്ചായത്ത് കമ്മിറ്റിയുടെ ആഭിമുഖ്യത്തിൽ പ്രമുഖ സോഷ്യലിസ്റ്റും ഗ്രാമ പഞ്ചായത്ത് സെക്രട്ടറിയും, ജീവകാരുണ്യ പ്രവർത്തകനുമായ പുതുക്കുടി കുഞ്ഞികൃഷ്ണനെ അദ്ദേഹത്തിന്റെ അഞ്ചാം ചരമവാർഷിക ദിനത്തിൽ അനുസ്മരിച്ചു. മലബാർ ദേവസ്വം ബോർഡ് മുൻ മെമ്പർ ടി.എൻ കെ ശശീന്ദ്രൻ അനുസ്മരണ പരിപാടി ഉദ്ഘാടനം ചെയ്തു. മമ്പള്ളി പ്രേമൻ അദ്ധ്യക്ഷത വഹിച്ചു. കെ.കെ ബാലകൃഷ്ണൻ, എസ്. വി ഹരിദേവ് , രാഗേഷ് ആദിയൂർ,കൃഷ്ണൻ. സി. കെ, വലിയാണ്ടി നാണു,കെ.കെ. ബാലകൃഷ്ണൻ ഏറാമല,എന്നിവർ പ്രസംഗിച്ചു. രാവിലെ സ്മൃതി മണ്ഡപത്തിൽ നടന്ന പുഷ്പാർച്ചനയിൽ പാർട്ടി നേതാക്കളും കുടുംബാംഗങ്ങളും പങ്കെടുത്തു.