മോട്ടിവേഷൻ ക്ലാസ് സംഘടിപ്പിച്ചു

മുക്കം: കൊവിഡ് കാലത്തിനു ശേഷമുള്ള പഠനരീതികളിലുണ്ടായ മാറ്റങ്ങൾക്കിടയിൽ വിദ്യാർത്ഥികൾക്ക് പഠനത്തിൽ കൂടുതൽ ആത്മവിശ്വാസവും താത്പര്യവും വളർത്തുകയെന്ന ലക്ഷ്യത്തോടെ പന്നിക്കോട് എ.യു.പി സ്കൂളിൽ മോട്ടിവേഷൻ ക്ലാസ് സംഘടിപ്പിച്ചു. ഏഴാം ക്ലാസ് വിദ്യാർത്ഥികൾക്കായാണ് പ്രത്യേകമായി ക്ലാസ് ഒരുക്കിയത്. പഠനം കൂടുതൽ ലളിതവും ആസ്വാദ്യകരവുമാക്കി മാറ്റുന്നതിനും കുട്ടികളിലെ കഴിവുകൾ തിരിച്ചറിഞ്ഞ് അവരെ മുന്നോട്ടു നയിക്കുന്നതിനുമുള്ള വിവിധ മാർഗങ്ങളാണ് ക്ലാസിൽ പരിചയപ്പെടുത്തിയത്. എൻ. ശശികുമാർ ക്ലാസിന് നേതൃത്വം നൽകി. സി. ഫസൽ ബാബു അദ്ധ്യക്ഷത വഹിച്ചു. വി.എൻ സജ്നി, നുബ് ല ഷാക്കിറ, സുഭഗ ഉണ്ണികൃഷ്ണൻ, ജറീഷ എന്നിവർ പ്രസംഗിച്ചു.