ഓപ്പറേഷൻ തെളിമ 

പാലക്കാട്: പാചക എണ്ണയുടെ പുനരുപയോഗം തടയുന്നതിനായി ഭക്ഷ്യസുരക്ഷാ വകുപ്പിന്റെ 'ഓപ്പറേഷൻ തെളിമ"യുടെ ഭാഗമായി വ്യാപക പരിശോധന. പാലക്കാട് നഗരസഭ പരിധിയിലെ തട്ടുകടകൾ, വഴിയോര ഭക്ഷണശാലകൾ, എണ്ണക്കടികൾ ഉണ്ടാക്കുന്ന സ്ഥാപനങ്ങൾ എന്നിവ കേന്ദ്രീകരിച്ചായിരുന്നു പരിശോധന. 179 സ്ഥാപനങ്ങളിൽ മൊബൈൽ ലബോറട്ടറിയുടെ സഹായത്തോടെയായിരുന്നു പരിശോധന. ഉപയോഗശൂന്യമെന്ന് കണ്ടെത്തിയ 35 ലിറ്റർ എണ്ണ പിടിച്ചെടുത്ത് നശിപ്പിച്ചു. നിയമലംഘനം കണ്ടെത്തിയ 25 സ്ഥാപനങ്ങൾക്ക് പിഴ ചുമത്തിയതായി ഭക്ഷ്യസുരക്ഷാ അസിസ്റ്റന്റ് കമ്മീഷണർ ഡോ. എ.രേഖ അറിയിച്ചു.