മഹാമൃത്യുഞ്ജയഹോമം

തിരുവല്ല : മതിൽഭാഗം ശ്രീഗോവിന്ദൻകുളങ്ങര ക്ഷേത്രഭരണ സമിതിയുടെ ആഭിമുഖ്യത്തിൽ സ്വാതന്ത്ര്യദിന ആഘോഷങ്ങളുടെ ഭാഗമായി ധീരസൈനികരെ ആദരിച്ചു. രാജ്യസുരക്ഷയ്ക്കായി മഹാമൃത്യുഞ്ജയഹോമവും നടത്തി. തന്ത്രി ത്രിവിക്രമൻ നാരായണൻ ഭട്ടതിരിപ്പാടും മേൽശാന്തി ജി.ശങ്കരൻ നമ്പൂതിരിയും കാർമ്മി​കരായി​രുന്നു. രാവിലെ ദേശീയ പതാക ഉയർത്തി. എയർഫോഴ്സ് റിട്ട.ഗ്രൂപ്പ് ക്യാപ്റ്റൻ എം.വേണുഗോപാൽ സൈനികരെ ആദരിച്ചു. ശ്രീകുമാർ ആർ.പി, ശ്രീകുമാർ കൊങ്ങരേട്ട്, ജിതീഷ് കുമാർ,രാധാകൃഷ്ണൻ വേണാട്ട്, ശ്രീകുമാർ, രാജശേഖരൻ നായർ, ശ്രീകുമാർ ചെമ്പോലിൽ, നന്ദകുമാർ, ഗണേശ് എസ്.പിള്ള, കണ്ണൻ എന്നിവർ പ്രസംഗിച്ചു.