മത്സ്യത്തൊഴിലാളി യൂണിയൻ കൺവെൻഷൻ

തിരുവല്ല : അംഗീകൃത മത്സ്യത്തൊഴിലാളികളുടെ ഉപജീവന മാർഗം ഇല്ലാതാകുന്ന തരത്തിലുള്ള അനധികൃത മത്സ്യം പിടിക്കലും കച്ചവടവും നിറുത്തലാക്കാൻ നിയമ നടപടികൾ സ്വീകരിക്കാൻ അധികാരികൾ തയാറാകണമെന്ന് മത്സ്യത്തൊഴിലാളി യൂണിയൻ (സി.ഐ.ടി.യു) തിരുവല്ലാ ഏരിയാ കൺവെൻഷൻ ആവശ്യപ്പെട്ടു. മത്സ്യ വ്യവസായ തൊഴിലാളി യൂണിയൻ സംസ്ഥാന കമ്മിറ്റി അംഗം ബെന്നി മാത്യു ഉദ്ഘാടനം ചെയ്തു. പ്രസിഡന്റ് മുഹമ്മദ്‌ കബീർ അദ്ധ്യക്ഷത വഹിച്ചു. ജില്ലാ കമ്മിറ്റി അംഗങ്ങളായ ജോസഫ് തോമസ്, വിൻസെന്റ് പി.എസ്, നിസാർ എന്നിവർ സംസാരിച്ചു.