ധർണ നടത്തി

വാടാനപ്പള്ളി: ടോഡി വർക്കേഴ്സ് യൂണിയൻ സി.ഐ.ടി.യു ജില്ലാകമ്മറ്റിയുടെ നേതൃത്വത്തിൽ വാടാനപ്പള്ളി റെയ്ഞ്ചിലെ കരാറുകാരുടെ ഓഫീസിലേക്ക് മാർച്ചും ധർണയും നടത്തി.വാടാനപ്പളളി റെയ്ഞ്ചിലെ ധർണ സമരം ഫെഡറേഷൻ സംസ്ഥാന വൈസ് പ്രസിഡന്റും സി.ഐ.ടി.യു ജില്ലാ സെക്രട്ടറിയുമായ യു.പി ജോസഫ് ഉദ്ഘാടനം ചെയ്തു. 2025-26 സാമ്പത്തിക വർഷത്തെ തൊഴിലാളികളുടെ കൂലിവർദ്ധനവിന് പരിഹാരം കാണാൻ ലൈസൻസികൾ തയ്യാറാകാത്തതിനെ തുടർന്ന് തൃശൂർ എക്സൈസ് ഡെപ്യൂട്ടി കമ്മീഷണർ ഓഫീസിലേക് തൊഴിലാളികൾ മാർച്ച് നടത്തിയിരുന്നു.എം.കെ.ഫൽഗുണൻ അദ്ധ്യക്ഷനായി.യൂണിയൻ ജില്ലാ സെക്രട്ടറി സി.കെ.വിജയൻ,ജില്ലാ ഭാരവാഹികളായ ഇ.ജി.സുരേന്ദ്രൻ,എ.എസ്.മനോജ്,കെ.എം.നാരായണൻ എന്നിവർ സംസാരിച്ചു.പി.എൻ. ജ്യോതിലാൽ നന്ദി പറ‌‌ഞ്ഞു.