തിരിച്ചുകയറി സ്വർണ വില

കൊച്ചി: ക്രൂഡ് വില കുറഞ്ഞതോടെ സാമ്പത്തിക അനിശ്ചിതത്വം ഒഴിയുമെന്ന പ്രതീക്ഷയിൽ ആഗോള നിക്ഷേപകർ വീണ്ടും സ്വർണത്തിലേക്ക് പണമൊഴുക്കുന്നു. ഇന്നലെ രാജ്യാന്തര വിപണിയിൽ സ്വർണ വില ഔൺസിന് നൂറ് ഡോളർ ഉയർന്ന് 4,126 ഡോളറിലെത്തി. കേരളത്തിൽ പവൻ വില രണ്ട് തവണയായി 2,480 രൂപ ഉയർന്ന് 1,06,800 രൂപയിലെത്തി. വിലയിലെ കനത്ത ചാഞ്ചാട്ടം സ്വർണ വ്യാപാര മേഖലയ്ക്കും തിരിച്ചടിയായി. കഴിഞ്ഞ ദിവസങ്ങളിൽ രാജ്യത്തെ സ്വർണാഭരണ വിൽപ്പനയിൽ കനത്ത ഇടിവുണ്ടായി. വില ഇനിയും കുറയുമെന്ന പ്രതീക്ഷയിൽ ഉപഭോക്താക്കൾ വലിയ തോതിൽ സ്വർണാഭരണങ്ങൾ വിറ്റുമാറിയെന്ന് ജുവലറി ഉടമകൾ പറയുന്നു.