അധികാരത്തിലിരുന്നെങ്കിൽ ഷർജീൽ ഇമാമിനും ഉമർ ഖാലിദിനും കോൺഗ്രസ് പത്മശ്രീ നൽകുമായിരുന്നു : എബിവിപി

തിരുവനന്തപുരം: ഉമർ ഖാലിദിനെ 'ദേശീയവാദി' എന്ന് വിശേഷിപ്പിച്ച കർണാടക കോൺഗ്രസ് പ്രസിഡന്റ് ബി.കെ. ഹരിപ്രസാദിന്റെ പ്രസ്താവനയെ അപലപിച്ച് അഖില ഭാരതീയ വിദ്യാർത്ഥി പരിഷത്ത്ദേ ശീയ സെക്രട്ടറി ശ്രാവൺ ബി. രാജ്. ദേശീയതയെക്കുറിച്ചുള്ള കോൺഗ്രസിന്റെ മാറിക്കൊണ്ടിരിക്കുന്ന നിർവചനത്തെ ഇത്തരം പ്രസ്താവനകൾ തുറന്നുകാട്ടുന്നുവെന്ന് അദ്ദേഹം പറഞ്ഞു. അഫ്‌സൽ ഗുരുവിനെ പിന്തുണച്ചതായി ആരോപിക്കപ്പെടുന്ന വിഷയങ്ങൾ, 'സ്വതന്ത്ര കാശ്മീർ' പോലുള്ള മുദ്രാവാക്യങ്ങളും പ്രചാരണങ്ങളും, തുടങ്ങിയ വിഷയങ്ങളുമായി ബന്ധപ്പെട്ട് പൊതു വിവാദങ്ങൾ നേരിട്ട വ്യക്തികളെ ദേശീയവാദികളായി വിശേഷിപ്പിക്കുന്നത് അങ്ങേയറ്റം നിർഭാഗ്യകരമാണെന്ന് ശ്രാവൺ ബി. രാജ് കൂട്ടിച്ചേർത്തു.

ഒരുകാലത്ത് മഹാത്മാഗാന്ധിയെയും ജവഹർലാൽ നെഹ്‌റുവിനെയും ദേശീയവാദികളായി കണക്കാക്കിയിരുന്ന കോൺഗ്രസ് ഇന്ന് ഉമർ ഖാലിദിനെയും ഷർജീൽ ഇമാമിനെയും ദേശീയവാദികളെന്ന് വിളിക്കുന്നു. കോൺഗ്രസ് അധികാരത്തിലിരുന്നെങ്കിൽ ഷർജീൽ ഇമാമിനും ഉമർ ഖാലിദിനും പത്മശ്രീ നൽകുമായിരുന്നു. തീവ്രവാദത്തെയോ ദേശവിരുദ്ധമെന്ന് ആരോപിക്കപ്പെടുന്ന പ്രവർത്തനങ്ങളെയോ ന്യായീകരിക്കാനോ സാധാരണവൽക്കരിക്കാനോ അക്കാദമിക് സ്വാതന്ത്ര്യം ഉപയോഗിക്കാൻ കഴിയില്ല. ഇടതുപക്ഷ ഗ്രൂപ്പുകളും കോൺഗ്രസുമായി ബന്ധപ്പെട്ട വിദ്യാർത്ഥി സംഘടനകളും സർവകലാശാലാ കാമ്പസുകളിലേക്ക് അത്തരം വിവാദ വിഷയങ്ങൾ കൊണ്ടുവരാനുള്ള ശ്രമങ്ങളെ എബിവിപി എതിർക്കുമെന്നും ശ്രാവൺ ബി. രാജ്. പറഞ്ഞു