റഷ്യൻ ആക്രമണം: യുക്രെയിനിൽ 20 മരണം

കീവ്: തലസ്ഥാനമായ കീവ് അടക്കം യുക്രെയിൻ നഗരങ്ങളിൽ വ്യോമാക്രമണം നടത്തി റഷ്യ. 22 പേർ കൊല്ലപ്പെട്ടു. നിരവധി പേർക്ക് പരിക്കേറ്റു. ഇന്നലെ പുലർച്ചെയായിരുന്നു സംഭവം. കീവിൽ നിരവധി ജനവാസ കെട്ടിടങ്ങൾക്ക് നാശനഷ്ടമുണ്ട്. കൊല്ലപ്പെട്ടവരിൽ 15 പേരും കീവ് സിറ്റിയിലുള്ളവരാണ്. ഖാർക്കീവ്,​ നിപ്രോ, സുമി, സെപൊറീഷ്യ എന്നിവയാണ് ആക്രമിക്കപ്പെട്ട മറ്റ് പ്രദേശങ്ങൾ. ഒരാഴ്ചയ്ക്കിടെ കീവിലുണ്ടാകുന്ന രണ്ടാമത്തെ ആക്രമണമാണിത്. വ്യാഴാഴ്ചത്തെ ആക്രമണത്തിൽ 30ലേറെ പേർ കൊല്ലപ്പെട്ടിരുന്നു.