സാലി റൂണിയുടെ പുസ്തകങ്ങൾക്ക് യു.കെയിൽ വിലക്ക്

ലണ്ടൻ: പ്രശസ്ത ഐറിഷ് എഴുത്തുകാരി സാലി റൂണിയുടെ പുസ്തകങ്ങളുടെ വില്പന യു.കെയിൽ നിറുത്തിവച്ചു. ബ്രിട്ടീഷ് സർക്കാർ ഭീകര സംഘടനയായി പ്രഖ്യാപിച്ച് നിരോധിച്ച 'പാലസ്തീൻ ആക്ഷനു'മായുള്ള ബന്ധം മൂലമാണ് നടപടി. തന്റെ പുസ്തകങ്ങളിൽ നിന്നുള്ള വരുമാനം സംഘടനയ്ക്ക് നൽകുന്നത് തുടരുമെന്ന് സാലി പറഞ്ഞിരുന്നു. ഇതോടെ അവരുടെ കൃതികൾ ഒരു രൂപത്തിലും രാജ്യത്ത് വിതരണം ചെയ്യേണ്ടെന്ന് യു.കെയിലെ പ്രസാധകരായ ഫേബർ തീരുമാനിച്ചു. നോർമൽ പീപ്പിൾ, കോൺവർസേഷൻസ് വിത്ത് ഫ്രണ്ട്സ് തുടങ്ങിയ സാലിയുടെ ബെസ്റ്റ് സെല്ലിംഗ് നോവലുകൾ യു.കെയിലെ പുസ്തകശാലകളിൽ നിന്നും ഡിജിറ്റൽ പ്ലാറ്റ്ഫോമുകളിൽ നിന്നും നീക്കി. അറസ്റ്റ് ചെയ്യപ്പെട്ടേക്കാമെന്നതിനാൽ യു.കെയിലെ ഒരു പുരസ്കാരം ഏറ്റുവാങ്ങൽ ചടങ്ങ് സാലി റദ്ദാക്കി.