ഇന്ത്യ- യു.എസ് ബന്ധം: വെല്ലുവിളികളും അവസരങ്ങളും

വാഷിംഗ്ടൺ: യു.എസിൽ മിഡ് ടേം തിരഞ്ഞെടുപ്പ് ഫലം ആഗോളതലത്തിൽ പല മാറ്റങ്ങൾക്കും കാരണമാകും. ഇന്ത്യയുമായുള്ള വ്യാപാര, പ്രതിരോധ, നയതന്ത്ര ബന്ധങ്ങളെയും ഈ മാറ്റം സ്വാധീനിക്കും. ഇന്ത്യക്ക് നേട്ടവും കോട്ടവും ഉണ്ടാകാനുള്ള സാദ്ധ്യതകളുണ്ട്. അതുപോലെ വെല്ലുവിളികളും അവസരങ്ങളുമുണ്ടാകാം.

 തീരുവ

ട്രംപിന്റെ ഏകപക്ഷീയമായ തീരുമാനങ്ങൾക്ക് കോൺഗ്രസിൽ നിന്നുള്ള നിയന്ത്രണം വർദ്ധിക്കും. ഇത് ഇന്ത്യയ്ക്ക് പലതലത്തിൽ നേട്ടമാകാം. വിദേ ഇറക്കുമതിക്കേർപ്പെടുത്തിയ തീരുവ ഡെമോക്രാറ്റുകൾ തടഞ്ഞാൽ ഇന്ത്യ ഉൾപ്പെടെയുള്ള രാജ്യങ്ങൾക്ക് അത്

നേട്ടമാണ്. എന്നാൽ പ്രസിഡന്റിന്റെ വ്യാപാര അധികാരങ്ങൾ പൂർണമായി നിയന്ത്രിക്കാനാവില്ല.

 തൊഴിൽ

ഐ.ടി മേഖലയിലും തൊഴിൽ വിസകളിലും നിയന്ത്രണം കടുപ്പിക്കാനുള്ള ട്രംപിന്റെ നയങ്ങളെ ഡെമോക്രാറ്റുകൾ എതിർക്കുന്നു. എച്ച് - 1 ബി വിസയിലെത്തുന്ന ഇന്ത്യൻ ഐ.ടി പ്രഫഷണലുകൾക്ക് ഡെമോക്രാറ്റുകളുടെ നീക്കം നിർണായകമാകും.

 നയതന്ത്രം

ഇന്ത്യാ വിരുദ്ധരായ നിരവധി ഡെമോക്രാറ്റുകളുമുണ്ട്. ഇന്ത്യയുടെ ആഭ്യന്തര വിഷയങ്ങളിൽ ഇവർ നടത്തുന്ന പ്രതികരണങ്ങൾ നയതന്ത്ര ഭിന്നതകൾക്ക് വഴിവച്ചേക്കാം. ഇന്ത്യ - റഷ്യ ബന്ധവും എണ്ണ, പ്രതിരോധ ഇടപാടുകളും ഡെമോക്രാറ്റുകൾ ചർച്ചയാക്കും. റഷ്യയുമായുള്ള അടുപ്പം കുറയ്ക്കാൻ ഇന്ത്യക്കുമേൽ സമ്മർദ്ദം ചെലുത്താം.