ഇന്ത്യ- യുഎഇ കൂട്ടുകെട്ടിന്റെ വിജയഗാഥ, ചൈനയെ വെട്ടിച്ച് ഒന്നാമതെത്താൻ ഇന്ത്യ | VIDEO

ഗൾഫ്‌ മേഖലയിൽ വസ്ത്രങ്ങൾ കൊണ്ട് വിസ്മയം തീർക്കാൻ തീരുമാനിച്ചുറച്ചിരിക്കുകയാണ് ഇന്ത്യ. ഒപ്പം ജി സി സി രാജ്യങ്ങളുമായി ദൃഢവും ഉറച്ചതുമായ ബന്ധം ആണ് ഇനിവേണ്ടതെന്നും ഇന്ത്യ കരുതുന്നു. ആ കരുതൽ പെട്ടെന്നൊരു ദിവസം ഉണ്ടായതല്ല. യുണൈറ്റഡ് അറബ് എമിറേറ്റ്സ്, ആ രാജ്യവുമായി ഇന്ത്യ ഏർപ്പെട്ട സഹകരണം പ്രതീക്ഷിച്ചതിലും അധികം ഫലം കണ്ടു എന്നത് തന്നെയാണ് ഇന്ത്യയുടെ പുതിയ നീക്കത്തിന് കാരണം. ലക്ഷ്യം രാജ്യത്തെ ആഭ്യന്തര ഉല്പാദന വിതരണമേഖല ശക്തിപ്പെടുത്തണം. അതിന് ഇന്ത്യ കണ്ടെത്തിയ സുസ്ഥിര മേഖല വസ്ത്രനിർമാണമേഖല തന്നെയാണ്.