രണ്ടുപേർക്ക് വെട്ടേറ്റ സംഭവത്തിൽ ഒന്നാം പ്രതി അറസ്റ്റിൽ

വിഴിഞ്ഞം: കോവളം കുഴിവിള കരിങ്കാളി ദേവീക്ഷേത്രത്തിലെ ഉത്സവത്തിനിടെയുണ്ടായ സംഘർഷത്തിൽ രണ്ടുപേർക്ക് വെട്ടേറ്റ സംഭവത്തിൽ ഒന്നാം പ്രതിയെ കോവളം പൊലീസ് അറസ്റ്റുചെയ്തു. കോവളം സ്വദേശി ഉണ്ണിയാണ് (34) പിടിയിലാത്.

കഴിഞ്ഞ ഏപ്രിൽ 23ന് നടന്ന സംഭവത്തിൽ വെങ്ങാനൂർ നീലകേശി പണ്ടാരവിളാകം സ്വദേശികളായ നവീൻരാജ് (32),സുഹൃത്ത് വിഷ്ണുദേവ് (30) എന്നിവർക്കാണ് വെട്ടേറ്റത്. സംഭവവുമായി ബന്ധപ്പെട്ട് അന്ന് ഒരാളെ പൊലീസ് പിടികൂടിയിരുന്നു. ക്ഷേത്രത്തിലെ പരിപാടി കാണാനെത്തിയവർ തമ്മിലുണ്ടായ തർക്കമാണ് അക്രമത്തിൽ കലാശിച്ചത്. ഇനി രണ്ട് പേരെക്കൂടി പിടികൂടാനുണ്ട്.