റെസ്‌ക്യൂ കണ്ണൂർ പരിശീലനം

കണ്ണൂർ: കോർപ്പറേഷൻ റാപ്പിഡ് റെസ്‌പോൺസ് ടീമിനുള്ള പരിശീലന പരിപാടി റെസ്‌ക്യൂ കണ്ണൂർ ജവഹർ സ്റ്റേഡിയത്തിൽ കെ.സി വേണുഗോപാൽ എം.പി ഉദ്ഘാടനം ചെയ്തു. കോർപ്പറേഷനിലെ ഓരോ വാർഡിൽ നിന്നും തിരഞ്ഞെടുക്കപ്പെട്ട 20 റാപ്പിഡ് റെസ്‌ക്യു അംഗങ്ങൾക്കാണ് പരിശീലനം ഒരുക്കിയത്. ശാസ്ത്രീയമായ രീതിയിലുള്ള വിവിധ ദുരന്തനിവാരണ മാർഗ്ഗങ്ങളുടെ പ്രായോഗിക പരിശീലനം ജവഹർ സ്റ്റേഡിയത്തിൽ സജ്ജീകരിച്ച എൽ.ഇ.ഡി സ്‌ക്രീനിന്റെ സഹായത്തോടെ പ്രദർശിപ്പിച്ചു. മേയർ അഡ്വ. പി. ഇന്ദിര അദ്ധ്യക്ഷത വഹിച്ചു. എം.എൽ.എമാരായ അഡ്വ. ടി.ഒ മോഹനൻ, കെ.വി സുമേഷ് എന്നിവർ വിശിഷ്ടാതിഥികളായി. കണ്ണൂർ ജില്ലാ ഫയർ സ്റ്റേഷൻ ഹൗസ് ഓഫീസർ പവിത്രൻ ക്ലാസ് അവതരിപ്പിച്ചു. ഡെപ്യൂട്ടി മേയർ കെ.പി താഹിർ, സ്റ്റാൻഡിംഗ് കമ്മിറ്റി ചെയർമാന്മാരായ അഡ്വ. ലിഷ ദീപക്, റിഷാം താണ, ശ്രീജ മഠത്തിൽ എന്നിവർ പ്രസംഗിച്ചു.