സ്കോളർഷിപ്പിന് അപേക്ഷിക്കാം

പരവൂർ: പരവൂർ എസ്.എൻ.വി.ആർ.സി ബാങ്ക് ഏർപ്പെടുത്തിയിട്ടുള്ള കെ.സദാനന്ദൻ സ്മാരക സ്കോളർഷിപ്പിന് അപേക്ഷിക്കാം. കഴിഞ്ഞ എസ്.എസ്.എൽ.സി, പ്ലസ് ടു, സി.ബി.എസ്.ഇ 10, 12, ഐ.സി.എസ്.ഇ 10, 12 പരീക്ഷകളിൽ ഏറ്റവും ഉയർന്ന ഗ്രേഡ് നേടി വിജയിച്ച ബാങ്കിലെ എ ക്ലാസ് അംഗങ്ങളുടെ മക്കളിൽ നിന്നും ഡിഗ്രി, പി.ജി.പരീക്ഷകളിൽ റാങ്ക് നേടിയ പരവൂർ മുനിസിപ്പൽ അതിർത്തിയിലെ വിദ്യാർത്ഥികളിൽ നിന്നും അപേക്ഷ ക്ഷണിച്ചു. സാക്ഷ്യപ്പെടുത്തിയ മാർക്ക് ലിസ്റ്റ്, അംഗ നമ്പർ എന്നിവ അടങ്ങിയ അപേക്ഷ ജൂലായ് 28ന് മുമ്പ് ബാങ്കിൽ ലഭിക്കണമെന്ന് പ്രസിഡന്റ് അറിയിച്ചു.