ആർ.ജെ.ഡി സ്ഥാനാർത്ഥികൾ

• പി.കെ അനിൽകുമാർ
• കൽപ്പറ്റ

മേപ്പാടി സ്വദേശി. രാഷ്ട്രീയ ജനതാദൾ സംസ്ഥാന കമ്മിറ്റിയംഗവും തോട്ടം തൊഴിലാളി യൂണിയൻ (എച്ച്.എം.എസ്.) സംസ്ഥാന ജനറൽ സെക്രട്ടറിയുമാണ്. കൽപറ്റ ബ്ലോക്ക് പഞ്ചായത്തംഗവും പ്രസിഡന്റുമായിരുന്നു. 2015 മുതൽ 2020 വരെ ജില്ലാ പഞ്ചായത്ത് പൊതുമരാമത്ത് സ്ഥിരംസമിതി അദ്ധ്യക്ഷനായിരുന്നു.

• എം.കെ.ഭാസ്കരൻ
• വടകര

ഓർക്കാട്ടേരി സ്വദേശി. കാഡ്കോ ഡയറക്ടർ. ആർ.ജെ.ഡി കോഴിക്കോട് ജില്ല പ്രസിഡന്റ്. സോഷ്യലിസ്റ്റ് പാർട്ടിയുടെ വിദ്യാർത്ഥി സംഘടനയായ ഐ.എസ്.ഒവിലൂടെ രാഷ്ട്രീയത്തിലെത്തി. ഏറാമല പഞ്ചായത്ത് പ്രസിഡന്റും വടകര ബ്ലോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സണുമായിരുന്നു.

• പി.കെ പ്രവീൺ
• കൂത്തുപറമ്പ്

പാനൂർ സ്വദേശി. ആർ.ജെ.ഡി സംസ്ഥാന ജന.സെക്രട്ടറി. കേരള വിദ്യാർത്ഥിജനതയിലൂടെ രാഷ്ട്രീയത്തിൽ. പാനൂർ പഞ്ചായത്തംഗവും ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാനും നഗരസഭാംഗവുമായിരുന്നു. പാനൂർ സഹ.ബാങ്ക് പ്രസിഡന്റാണ്.