മഴക്കാല പൂർവ ശുചീകരണം

മുക്കം: കാരശ്ശേരി ഗ്രാമ പഞ്ചായത്തിൽ മഴക്കാല പൂർവ ശുചീകരണ പ്രവർത്തനങ്ങൾക്ക് തുടക്കമായി.ആദ്യഘട്ടത്തിൽ എടവണ്ണ - കൊയിലാണ്ടി സംസ്ഥാന പാതയിലെ മുക്കം പാലം മുതൽ ആദംപടി വരെയുള്ള ആറ് കിലോമീറ്റർ റോഡിന്റെ ഇരുവശവുമാണ് ശുചീകരിച്ചത്. വരും ദിവസങ്ങളിൽ മുഴുവൻ വാർഡുകളിലും ശുചീകരണ പ്രവർത്തനങ്ങൾ നടക്കും.ഹരിത കർമ്മ സേന , ആശാ വർക്കർമാർ , കുടുംബശ്രീ പ്രവർത്തകർ , തൊഴിലുറപ്പ് തൊഴിലാളികൾ , വ്യാപാരികൾ , ആനയാംകുന്ന് സ്കൂൾ വിദ്യാർത്ഥികൾ , പഞ്ചായത്തിലെ ഉദ്യോഗസ്ഥർ , ആരോഗ്യ പ്രവർത്തകർ എന്നിവർ ശുചീകരണത്തിൽ പങ്കാളികളായി. മെഗാ ശുചീകരണത്തിന്റെ ഉദ്ഘാടനം ഗ്രാമ പഞ്ചായത്ത് പ്രസിഡന്റ് ജി അബ്ദുൽ അക്ബർ നിർവഹിച്ചു.