വായന വാരാചരണം

നിലമ്പൂർ: നമ്പൂരിപ്പൊട്ടി ചേതന സാംസ്‌കാരിക കേന്ദ്രത്തിന്റെ കീഴിലുള്ള ചേതന വായനശാലയുടെ ആഭിമുഖ്യത്തിൽ വായനവാരാചരണം സമാപിച്ചു. സമാപന പൊതുസമ്മേളനം കോണമുണ്ട ജി.എൽ.പി.എസ്. പ്രധാനാദ്ധ്യാപകൻ എൻ.എൻ.പ്രമോദ് കുമാർ ഉദ്ഘാടനം ചെയ്തു. ലഹരിക്കെതിരായ ബോധവത്കരണ സെഷനിൽ നിലമ്പൂർ ജനമൈത്രി എക്‌സൈസ് പ്രിവന്റീവ് ഓഫീസർ പി.എസ്. ദിനേശ് സംസാരിച്ചു.ചേതന വായനശാല പ്രസിഡന്റ് മുഹമ്മദ് കുട്ടി എളമ്പിലാക്കോട് അദ്ധ്യക്ഷത വഹിച്ചു.
കെ. മുജീബ് ററഹ്മാൻ, കെ.ടി. പ്രസാദ്, ബാലചന്ദ്രൻ,
ഒ. അബ്ദുറഹ്മാൻ മൗലവി, പി. അബ്ദുൽ റസാഖ് , വായനശാല ജോ. സെക്രട്ടറി വി. സുഭാഷ് കബീർ തുടങ്ങിയവർ പ്രസംഗിച്ചു.