വില്ലേജ് ഓഫീസ് മാർച്ചും ധർണയും

ആമ്പല്ലൂർ: സ്‌റ്റേറ്റ് കർഷക തൊഴിലാളി ഫെഡറേഷൻ പുതുക്കാട് മണ്ഡലം കമ്മിറ്റിയുടെ നേതൃത്വത്തിൽ വില്ലേജ് ഓഫീസ് മാർച്ചും ധർണയും സംഘടിപ്പിച്ചു. സംസ്ഥാന സെക്രട്ടറി വി.എസ്.പ്രിൻസ് ഉദ്ഘാടനം ചെയ്തു. ജില്ലാ ജോ.സെക്രട്ടറി പി.എം.നിക്‌സൻ അദ്ധ്യക്ഷനായി. മണ്ഡലം പ്രസിഡന്റ് പി.സി.സാജു,​ സി.പി.ഐ മണ്ഡലം സെക്രട്ടറി സി.യു.പ്രിയൻ,കിസാൻ സഭ മണ്ഡലം സെക്രട്ടറി കെ.എം.ചന്ദ്രൻ,ഡെന്നീസ് പുളിക്കൻ കെ.ആർ.അനൂപ് എന്നിവർ സംസാരിച്ചു. സഹകരണ സംഘം ജീവനക്കാർ വഴി എത്തിച്ചിരുന്ന ക്ഷേമപെൻഷൻ നിറുത്തലാക്കാനുള്ള യു.ഡി.എഫ് സർക്കാർ നീക്കം ഉപേക്ഷിക്കുക ക്ഷേമപെൻഷൻ അട്ടിമറിക്കാനുള്ള ഗൂഢാലോചനകളെ ചെറുത്തുതോൽപ്പിക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു ധർണ.