വീട്ടിൽ ജാതി അധിക്ഷേപം: എസ്.സി/എസ്.ടി നിയമം നിലനിൽക്കില്ലെന്ന് സുപ്രീംകോടതി

ന്യൂഡൽഹി: വീടിനുള്ളിലാണ് ജാതി അധിക്ഷേപമേറ്റതെങ്കിൽ എസ്.സി/എസ്.ടി നിയമപ്രകാരമുള്ള കുറ്റങ്ങൾ നിലനിൽക്കില്ലെന്ന് സുപ്രീംകോടതി. പ്രതിയുടെ ഈ രീതിയിലുള്ള വാദം ശരിവയ്‌ക്കുകയായിരുന്നു. ജാതിയുടെ പേരിൽ പൊതുമദ്ധ്യത്തിൽ അപമാനിക്കപ്പെട്ടാൽ മാത്രമേ പ്രോസിക്യൂഷൻ നടപടിയെടുക്കാൻ കഴിയുകയുള്ളുവെന്ന് കോടതി വ്യക്തമാക്കി. വീട്ടിൽ കടന്നുകയറി ജാതി പറഞ്ഞ് ആക്ഷേപിച്ചെന്ന ഡൽഹിയിലെ കേസ് റദ്ദാക്കി കൊണ്ടാണ് ജസ്റ്റിസുമാരായ പ്രശാന്ത് കുമാർ മിശ്ര,​ എൻ.വി. അൻജാരിയ എന്നിവരടങ്ങിയ ബെഞ്ചിന്റെ നിലപാട്.