തിരുവനന്തപുരം . പ്രശസ്ത ചെറുകഥാകൃത്തും നോവലിസ്റ്റും ഭാരത് ഭവൻ മുൻ മെമ്പർ സെക്രട്ടറിയുമായിരുന്ന സതീഷ് ബാബു പയ്യന്നൂരിന്റെ ഓർമ്മയ്ക്കായി,ഭാരത് ഭവൻ ഏർപ്പെടുത്തിയ കലാലയ ചെറുകഥാ പുരസ്‌ക്കാരത്തിന് എൻട്രികൾ ക്ഷണിച്ചു . ഒന്നും രണ്ടും മൂന്നും സ്ഥാനം നേടുന്നവർക്ക് ക്യാഷ് അവാർഡും പ്രശസ്തി പത്രവും ഫലകവും സമ്മാനിക്കും. കലാലയ ചെറുകഥാ പുരസ്ക്കാരത്തിനുള്ള രചനകൾ bharatbhavankerala@gmail.com എന്ന ഈ മെയിലോ, മെമ്പർ സെക്രട്ടറി, ഭാരത് ഭവൻ, തൃപ്തി, തൈക്കാട്,പി.ഓ, തിരുവനന്തപുരം 14 എന്ന മേൽവിലാസത്തിലോ അയക്കാവുന്നതാണ്. റെഗുലർ കോളേജ് വിദ്യാർത്ഥികൾക്കും പാരലൽ കോളേജ് വിദ്യാർത്ഥികൾക്കും അതത് കോളേജ് പ്രിൻസിപ്പൽമാരുടെ സാക്ഷ്യപത്രം സഹിതം എൻട്രികൾ അയക്കാം. 2023 ഡിസംബർ 10 നകം എൻട്രികൾ ലഭിക്കണം . കൂടുതൽ വിവരങ്ങൾക്ക് 0471 - 4000 282 നമ്പറിൽ ബന്ധപ്പെടാവുന്നതാണ്