ആഭ്യന്തര മന്ത്രിയെ നിയമിച്ച് ടുണീഷ്യൻ പ്രസിഡന്റ്

ടൂണിസ്​: അധികാരം പിടിച്ചെടുത്തതിന് പിന്നാലെ, രാഷ്ട്രീയ സമ്മർദ്ദങ്ങൾക്കൊടുവിൽ മുൻ ദേശീയ സുരക്ഷ ഉപദേഷ്​ടാവ്​ റിധ ഗാർസലൂവിനെ ആഭ്യന്തരമന്ത്രിയായി നാമനിർദ്ദേശം ചെയ്​ത് ടുണീഷ്യൻ പ്രസിഡന്റ് ഖൈസ് സയീദ്. ഞായറാഴ്​ച അടിയന്തരാവസ്ഥ പ്രഖ്യാപിച്ച്​ സർക്കാരിന്റെ നിയന്ത്രണം പ്രസിഡന്റ് ഏറ്റെടുത്തതോടെയാണ്​ ടുണീഷ്യയിൽ രാഷ്​ട്രീയ പ്രതിസന്ധി രൂക്ഷമായത്​.

പ്രധാനമന്ത്രിയെ പുറത്താക്കുകയും പാർലമെന്റ് പിരിച്ചുവിടുകയും ചെയ്​ത ഖൈസ് ജുഡിഷ്യറിയുടെ നിയന്ത്രണവും ഏറ്റെടുത്തു. ഇതിനെതിരെ അമേരിക്ക​ ഉൾപ്പെടെയുള്ള രാജ്യങ്ങൾ രംഗത്തെത്തിയിരുന്നു.