പേനാക്കത്തിയിൽ തീർക്കുന്ന കൊലമാസുകൾ

കയ്യിൽ പിടിച്ചൊരു കത്തികൊണ്ട് മനുഷ്യജീവൻ നിസാരമായി അരിഞ്ഞുതള്ളുന്ന നായകൻ. ചീറ്റുന്ന ചോര മുഖത്തേക്ക് തെറിക്കുമ്പോഴും വീരപരിവേഷത്തോടെ 'മാസ് ലുക്കിൽ" നിൽക്കുന്ന നായകനെ നോക്കി കയ്യടിക്കുന്ന ന്യൂജെൻ പ്രേക്ഷകർ. മുന്നിൽ കാണുന്നവരെയെല്ലാം വെടിവച്ചു തീർക്കുന്ന നായകനു കിട്ടുന്നതും കയ്യടി തന്നെ! സ്ക്രീനിൽ ചോര തെറിക്കുമ്പോൾ ഉന്മാദത്തോടെ ചിരിക്കുന്ന കുട്ടികളെ പേടിക്കണമെന്ന മുന്നറിയിപ്പാണ് സമീപകാല സംഭവങ്ങൾ തെളിയിക്കുന്നത്.

അടുത്തിടെ തിയേറ്ററുകളിലെത്തിയ ഒരു ചിത്രത്തിലെ ചോരക്കളി കൊറിയൻ ചിത്രങ്ങളെപ്പോലും അതിശയിപ്പിക്കുന്നതായിരുന്നു. മറ്റൊന്നിന്റെ പാട്ടിലെ വരികൾ,​ 'പേനാക്കത്തി കൊണ്ട് ഹരിശ്രീ,​ കട്ടച്ചോരകൊണ്ട് വിദ്യാരംഭം" എന്നൊക്കെ! കൗമാരക്കാരുടെ ക്വട്ടേഷൻ സംഘമാണ് മറ്റൊരു സിനിമയിലെ പ്രമേയത്തെ മുന്നോട്ടു കൊണ്ടുപോകുന്നത്. മുമ്പൊന്നുമില്ലാത്ത വിധത്തിലാണ് മലയാളത്തിന്റെ വെള്ളിത്തിരയിൽ നിന്ന് ചോരതെറിക്കുന്നത്. മറുനാട്ടിൽ നിന്ന് ഇവിടെയെത്തി പണം വാരുന്നതും ഇതേ സിനിമകൾ തന്നെയാണ്.

'ജയിലർ" എന്ന സിനിമയിൽ വെടിയും വെട്ടും കുത്തുമൊഴിഞ്ഞൊരു നേരമില്ല. സിനിമയിലെ നായിക തന്റെ ദേഹത്തു വീണ ചോരപ്പാടുകൾ ടിഷ്യുപേപ്പർ എടുത്ത് തുടച്ചുകളയും. അതുപോലെ തുടച്ചു കളയാനാകുമോ സിനിമ കണ്ട് പകച്ചുപോകുന്ന കുരുന്നു മനസുകളിലെ രക്തക്കറ? ബോളിവുഡിൽ നിന്ന് അടുത്ത കാലത്ത് എത്തിയ രണ്ട് സിനിമകളാണ് കൗമാരക്കാർ ഏറെ കണ്ടത്- 'അനിമൽ,​ " 'കിൽ" എന്നിവ. പേരു പോലെതന്നെ ഉള്ളടക്കവും. വയലൻസിന്റെ കടുപ്പംകൊണ്ട് തിയേറ്ററുകളിൽ പണം വാരിയ പടങ്ങൾ.

ചോരക്കളി കൊണ്ട് കോടി ക്ലബുകളിൽ സിനിമ മുന്നേറുമ്പോൾ കുട്ടികളുടെ മനസ് വയലൻസിനു പിന്നാലെ പായും. 'മാസ് ഹീറോ"യെ അനുകരിക്കാൻ ശ്രമിക്കും. പെട്ടെന്ന് ദേഷ്യം വരും. ഒന്നു പറഞ്ഞാൽ രണ്ടിന് അടിയും കുത്തുമൊക്കെ നടക്കും. സിനിമ ഈ അടുത്തകാലത്ത് സംഭാവന നൽകിയ രണ്ടു വാക്കുകളാണ് 'കൊലമാസ്', 'മരണമാസ്" എന്നിവ. കെ.ജി.എഫ് സിനിമയുടെ ഒന്നും രണ്ടും ഭാഗങ്ങൾ കേരളത്തിലും ഹിറ്റായതോടെയാണ് 'കൊന്നുതള്ളൽ" സിനിമകൾക്ക് കേരളത്തിലും മാർക്കറ്റുണ്ടെന്ന് സിനിമാ നിർമ്മാണവുമായി ബന്ധപ്പെട്ടവർ മനസിലാക്കുന്നത്. പിന്നീട് 'ജയിലറി"ന്റെയും 'പുഷ്പ"യുടെയുമൊക്കെ വമ്പൻ വിജയം. ആ വഴിയിലേക്ക് മലയാള സിനിമയും തിരിഞ്ഞു. ചോരയിൽക്കുളിച്ച കത്തിയും കടിച്ചുപിടിച്ച് നിൽക്കുന്ന നായകനെ 'പാൻ ഇന്ത്യൻ സ്റ്റാർ" എന്നൊക്കെ വിശേഷിപ്പിച്ചു.

നാട്ടുകാരുമായും ബന്ധുവീട്ടുകാരുമായിപ്പോലും അധികം ഇടപഴകാതെ ജീവിക്കുന്ന കുട്ടികൾ. മൊബൈലിലേക്ക് കണ്ണുനട്ടിരുന്ന് കാണുന്നതും വയലൻസ് സീനുകൾ തന്നെ; കളിക്കുന്നത് 'ഫ്രീഫയർ" പോലുളള ഗെയിമുകളും. മൊബൈൽ സ്ക്രീനിൽ നോക്കി,​ 'അവനെ കൊല്ലെടാ..." എന്നാണ് പ്രൈമറി ക്ളാസിൽ പഠിക്കുന്ന കുട്ടി കൂട്ടുകാരനോടു പറയുന്നത്. അവസരം വന്നുകിട്ടിയാൽ ഇവരൊക്കെ ആയുധമെടുക്കില്ലേ?

ഏതാനും നാൾ മുമ്പ് ഹൈദരാബാദിലെ യൂസുഫ്ഗുഡയിലെ ഒരു സർക്കാർ സ്‌കൂളിലെ പ്രധാനാദ്ധ്യാപിക, 'പുഷ്പ 2" കൊച്ചുകുട്ടികളെ മോശമായി സ്വാധീനിച്ചുവെന്ന് വിദ്യാഭ്യാസ കമ്മിഷന് പരാതി നൽകിയിരുന്നു- 'പുഷ്പ കണ്ട വിദ്യാർത്ഥികൾ ഇപ്പോൾ പരസ്പരം അസഭ്യം പറയുകയാണ്. നായകന്റെ വയലൻസ് കുട്ടികൾ അനുകരിക്കുന്നു. സർക്കാർ സ്‌കൂളുകളിൽ മാത്രമല്ല, സ്വകാര്യ സ്‌കൂളുകളിലും ഇതു തന്നെ സ്ഥിതി. പുഷ്പ കാരണം എന്റെ സ്‌കൂളിലെ പകുതി വിദ്യാർത്ഥികളും മോശമായി"- ഇതായിരുന്നു പരാതിയുടെ ചുരുക്കം!

(തുടരും)

ക​തി​രി​ന്മേ​ൽ​ ​വ​ളം​വ​ച്ചി​ട്ട് ​എന്തു കാര്യം?

 ശ്രീ​കു​മാ​ര​ൻ​ ​ത​മ്പി

കു​റ​ച്ചു​വ​ർ​ഷം​ ​മു​മ്പാ​ണ്.​ ​എ​ക്സൈ​സ് ​ക​മ്മി​ഷ​ണ​ർ​ ​ആ​യി​രു​ന്ന​ ​ഋ​ഷി​രാ​ജ് ​സിം​ഗ് ​എ​ന്നോ​ടു​ ​പ​റ​ഞ്ഞു​:​ ​'​അ​ധി​കം​ ​താ​മ​സി​യാ​തെ​ ​കേ​ര​ള​ത്തി​ലെ​ ​കു​ട്ടി​ക​ളി​ൽ​ ​ന​ല്ലൊ​രു​ ​ഭാ​ഗം​ ​മ​യ​ക്കു​മ​രു​ന്ന് ​ഉ​പ​യോ​ഗി​ച്ചു​ ​തു​ട​ങ്ങും.​ ​അ​പ​ക​ട​ക​ര​മാ​യ​ ​നി​ല​യി​ലാ​ണ് ​വി​ദ്യാ​ർ​ത്ഥി​ക​ളു​ടെ​ ​പോ​ക്ക്!​"​ ​അ​ദ്ദേ​ഹം​ ​പ​റ​ഞ്ഞ​ത് ​ഇ​പ്പോ​ൾ​ ​യാ​ഥാ​ർ​ത്ഥ്യ​മാ​യി​രി​ക്കു​ന്നു​വ​ല്ലോ​ ​എ​ന്ന് ​ഞെ​ട്ട​ലോ​ടെ​യും​ ​വേ​ദ​ന​യോ​ടെ​യു​മാ​ണ് ​ഞാ​ൻ​ ​തി​രി​ച്ച​റി​യു​ന്ന​ത്.

അ​ച്ഛ​ൻ​ ​ജോ​ലി​ ​ചെ​യ്യും,​​​ ​അ​മ്മ​ ​കു​ഞ്ഞു​ങ്ങ​ളെ​ ​വ​ള​ർ​ത്തും​ ​എ​ന്ന​താ​യി​രു​ന്നു​ ​മു​മ്പ്.​ ​മ​ക്ക​ളു​ടെ​ ​ഓ​രോ​ ​ച​ല​ന​വും​ ​അ​മ്മ​യാ​ണ് ​ആ​ദ്യം​ ​അ​റി​യു​ന്ന​ത്.​ ​ഇ​ന്ന് ​അ​മ്മ​മാ​ർ​ക്ക് ​സ​മ​യ​മി​ല്ല.​ ​കു​ട്ടി​യു​ടെ​ ​മു​ഖം​ ​വാ​ടി​യാ​ൽ​ ​ആ​ദ്യ​മ​റി​യേ​ണ്ട​ത് ​അ​മ്മ​യാ​ണ്.​ ​സ്കൂ​ളി​ൽ​ ​പോ​യാ​ൽ​ ​എ​ന്റെ​ ​ക്ലാ​സ് ​ടീ​ച്ച​ർ​ ​വേ​റെ​യൊ​രു​ ​അ​മ്മ​യാ​ണ്.​ ​എ​ന്നെ​ ​അ​ച്ച​ട​ക്കം​ ​പ​ഠി​പ്പി​ച്ച​ത് ​എ​ന്റെ​ ​അ​മ്മ​യും​ ​എ​ന്റെ​ ​അ​ദ്ധ്യാ​പ​ക​രു​മാ​ണ്.​ ​ഇ​ന്നി​പ്പോ​ൾ​ ​അ​ച്ഛ​ന​മ്മ​മാ​ർ​ക്കു​ ​വ​ന്ന​ ​മാ​റ്റം​ ​അ​ദ്ധ്യാ​പ​ക​ർ​ക്കും​ ​വ​ന്നി​ട്ടു​ണ്ട്.​ ​അ​വ​രും​ ​കു​ട്ടി​ക​ളെ​ ​ശ്ര​ദ്ധി​ക്കു​ന്നി​ല്ല.

അ​മ്മ​ ​എ​ന്നെ​ ​ന​ല്ല​തു​പോ​ലെ​ ​ത​ല്ലി​യാ​ണ് ​വ​ള​ർ​ത്തി​യ​ത്.​ ​ഇ​പ്പോ​ൾ​ ​അ​മ്മ​മാ​ർ​ ​ത​ല്ലാ​ൻ​ ​പാ​ടി​ല്ല.​ ​ത​ല്ലി​യാ​ൽ​ ​കേ​സാ​കും​ ​എ​ന്നു​ ​പ​റ​യു​ന്ന​തു​ ​മാ​റാ​തെ​ ​ഇ​വി​ട​ത്തെ​ ​കു​ട്ടി​ക​ൾ​ ​ന​ന്നാ​കി​ല്ല.​ ​സി​നി​മാ​രം​ഗ​ത്ത് 58​ ​വ​ർ​ഷ​മാ​യി​ട്ടും​ ​ഞാ​ൻ​ ​സി​ഗ​ര​റ്റ് ​വ​ലി​ച്ചി​ട്ടി​ല്ല,​ ​മ​ദ്യ​പി​ച്ചി​ട്ടി​ല്ല.​ ​അ​തി​നു​ ​കാ​ര​ണം​ ​അ​മ്മ​യു​ടെ​ ​വ​ള​ർ​ത്തു​ഗു​ണ​മാ​ണ്.​ ​ക​തി​രി​ന്മേ​ൽ​ ​വ​ളം​ ​വ​ച്ചി​ട്ട് ​കാ​ര്യ​മി​ല്ല.​ ​വി​ത്ത് ​വി​ത​യ്ക്കു​മ്പോ​ൾ​ ​വ​ളം​ ​വ​യ്ക്ക​ണം.​ ​രാ​ഷ്ട്രീ​യ​ ​പാ​ർ​ട്ടി​ക​ളു​ടെ​ ​മൂ​ല്യ​ച്യു​തി​ ​കു​ട്ടി​ക​ളെ​ ​ദോ​ഷ​മാ​യി​ ​ബാ​ധി​ക്കും.​ ​ആ​രെ​യും​ ​ത​ല്ലാം,​​​ ​എ​വി​ടെ​യും​ ​സ​മ​രം​ ​ചെ​യ്യാം​ ​എ​ന്നൊ​ക്കെ​ ​കു​ട്ടി​ക​ളെ​ ​പ​ഠി​പ്പി​ക്കു​ന്ന​തി​ൽ​ ​രാ​ഷ്ട്രീ​യ​ ​പാ​ർ​ട്ടി​ക​ൾ​ക്ക് ​ന​ല്ല​ ​പ​ങ്കു​ണ്ട്.​ ​അ​ദ്ധ്യാ​പ​ക​ൻ​ ​വ​ഴ​ക്കു​പ​റ​ഞ്ഞാ​ൽ​ ​അ​ദ്ധ്യാ​പ​ക​ന്റെ​ ​ക​ര​ണ​ത്ത​ടി​ക്കു​ന്ന​ ​വി​ദ്യാ​ർ​ത്ഥി​ ​പ​ണ്ടു​ണ്ടാ​യി​രു​ന്നി​ല്ല.

കു​ട്ടി​ക​ളെ​ ​വ​ഴി​തെ​റ്റി​ക്കു​ന്ന​തി​ൽ​ ​സി​നി​മ​യ്ക്കും​ ​പ​ങ്കു​ണ്ട്.​ 1986​-​ൽ​ ​വ​ന്ന​ ​'​യു​വ​ജ​നോ​ത്സ​വം​"​ ​എ​ന്ന​ ​സി​നി​മ​യു​ടെ​ ​ക്ലൈ​മാ​ക്സി​ൽ,​​​ ​വി​ല്ല​ൻ​ക​ഥാ​പാ​ത്ര​ത്തെ​ ​അ​വ​ത​രി​പ്പി​ച്ച​ ​സു​രേ​ഷ്ഗോ​പി​യെ​ ​മോ​ഹ​ൻ​ലാ​ൽ​ ​കു​ത്തി​ക്കൊ​ല്ലു​ന്ന​ ​സീ​നു​ണ്ട്.​ ​അ​ടു​പ്പി​ച്ച് ​ര​ണ്ട് ​കു​ത്തു​ ​കൊ​ടു​ക്കും.​ ​എ​ന്നോ​ട് ​സെ​ൻ​സ​ർ​ ​ഓ​ഫീ​സ​ർ​ ​പ​റ​ഞ്ഞു,​​​ ​'​ഒ​രു​ ​കു​ത്തേ​ ​പാ​ടു​ള്ളൂ.​"​ ​ര​ണ്ടു​ ​ത​വ​ണ​ ​കു​ത്തി​യി​ല്ലെ​ങ്കി​ൽ​ ​രം​ഗ​ത്തി​ന് ​തീ​വ്ര​ത​ ​കു​റ​ഞ്ഞു​പോ​കു​മെ​ന്ന്.​ ​ആ​ ​സി​നി​മ​യു​ടെ​ ​നി​ർ​മ്മാ​താ​വും​ ​സം​വി​ധാ​യ​ക​നു​മാ​യ​ ​ഞാ​ൻ​ ​പ​റ​ഞ്ഞ​പ്പോ​ൾ​ ​അ​ദ്ദേ​ഹം​ ​ചോ​ദി​ച്ചു​;​ ​'​ര​ണ്ടു​ ​കു​ത്താ​ണെ​ങ്കി​ൽ​ ​എ​ ​സ​ർ​ട്ടി​ഫി​ക്ക​റ്റ്,​​​ ​ഒ​രു​ ​കു​ത്താ​ണെ​ങ്കി​ൽ​ ​യു​ ​സ​ർ​ട്ടി​ഫി​ക്ക​റ്റ്.​ ​ഏ​തു​ ​വേ​ണം​?​"​ ​അ​താ​യി​രു​ന്നു​ ​അ​ന്ന​ത്തെ​ ​സെ​ൻ​സ​ർ​ ​നി​യ​മം.​ ​ഇ​പ്പോ​ഴോ?