ശതാഭിഷേകത്തിന്റെ നിറവിൽ ഗാനഗന്ധർവൻ; 84ാം പിറന്നാൾ ദിനത്തിൽ ആശംസകളുമായി സംഗീത ലോകം

തിരുവനന്തപുരം: മലയാളത്തിന്റെ ഗാനഗന്ധർവ്വൻ അതുല്യ ഗായകൻ കെ.ജെ. യേശുദാസിന് ഇന്ന് 84ാം പിറന്നാൾ. ശതാഭിഷിക്തനാകുന്ന അദ്ദേഹം യു.എസിലെ ടെക്സസിലുള്ള ഡാലസിലെ സ്വവസതിയിലാണ് ഇക്കുറി ജന്മദിനമാഘോഷിക്കുക. സംഗീത പ്രതിഭയ്ക്ക് ആശംസകൾ നേരുകയാണ് സംഗീതലോകം.

ഇന്ത്യൻ സംഗീതത്തിലെ അതുല്യ പ്രതിഭയായ യേശുദാസ് കൊവിഡിനുശേഷം കേരളത്തിൽ എത്തിയിരുന്നില്ല. മൂകാംബിക ദേവിയുടെ ഭക്തനായ അദ്ദേഹം പിറന്നാളിന് കൊല്ലൂർ മൂകാംബിക ക്ഷേത്രത്തിലെത്തി കീർത്തനം ആലപിക്കുന്നത് വർഷങ്ങളായി പതിവാണ്. മക്കളും അദ്ദേഹത്തോടൊപ്പം എത്താറുണ്ട്. എന്നാൽ കൊവിഡ് ഉൾപ്പെടെയുള്ള കാരണത്താൽ ഏതാനും വർഷങ്ങളായി പതിവ് മുടങ്ങി. മൂകാംബികയിലടക്കം യേശുദാസിനായി ഇന്ന് പ്രത്യേക പൂജകൾ ചെയ്യുന്നുണ്ട്.

പ്ര​ത്യേ​ക​ ​ആ​ഘോ​ഷ​മി​ല്ലാ​തെ​യാ​ണ് ​ഇതി​ഹാ​സ​ ​ഗാ​യ​ക​ൻ​ ​കെ.​ ​ജെ​ ​യേ​ശു​ദാ​സ് ​ഇ​ന്ന് ​ശ​താ​ഭിഷി​ക്തനാ​വു​ന്ന​ത്.​ ഇ​ന്ത്യ​ൻ​ ​സ​മ​യം​ ​രാ​വി​ലെ​ 11​ന്ഓ​ൺ​ലൈ​നി​ൽ​ ​എ​ത്തി​ ​ആ​രാ​ധ​ക​ർ​ക്ക് ​മു​ൻ​പി​ൽ​ ​പി​റ​ന്നാ​ൾ​ ​കേ​ക്ക് ​മു​റി​ക്കും.​ ​ഭാ​ര്യ​ ​പ്ര​ഭ​ ​യേ​ശു​ദാ​സ് ​ഒ​പ്പം​ ​ഉ​ണ്ടാ​വും.​ ​ആ​ഘോ​ഷം​ ​ഇ​ത്ര​മാ​ത്ര​മാ​യി​രി​ക്കും.​ ​മോ​ഹ​ൻ​ലാ​ൽ,​ ​കെ.​ ​എ​സ് .​ചി​ത്ര​ ​ഉ​ൾ​പ്പെടെ​ ​പ്ര​മു​ഖ​ർ​ ​സൂ​മ്മി​ൽ​ ​പി​റ​ന്നാ​ൾ​ ​ആ​ശം​സ​ ​നേരും.​ ​
ഇ​ത്ത​വ​ണ​ ​പി​റ​ന്നാ​ളി​ന് ​കേ​ര​ള​ത്തി​ൽ​ ​ഉ​ണ്ടാ​വ​ണ​മെ​ന്ന് ​യേ​ശു​ദാ​സ് ​ആ​ഗ്ര​ഹി​ച്ചി​രു​ന്നു.​ ​എ​ന്നാ​ൽ,​ ​യു.​എ​സി​ൽ​ ​ഈ​ ​മാ​സം​ 18​ന് ​സം​ഗീ​തക്ക​ച്ചേ​രി​ ​ഉ​ള്ള​തി​നാ​ൽ​ ​അ​സൗ​ക​ര്യം​ ​നേ​രി​ട്ടു.​ ​ജ​നു​വ​രി​ ​അ​വ​സാ​നം​ അദ്ദേഹം ​ചെ​ന്നൈ​യി​ൽ​ ​എ​ത്തു​ന്നു​ണ്ട്.​ ​മ​ല​യാ​ള​ത്തി​ൽ​ ​ര​ണ്ടു​ ​സി​നി​മ​ക​ളു​ടെ​ ​ഗാ​ന​ ​റെക്കാഡിം​ഗി​ൽ​ ​പ​ങ്കെ​ടു​ക്കു​ന്നു​മു​ണ്ട്.​ അ​തേ​സ​മ​യം,​ ​ഇ​ന്ന് യേ​ശു​ദാ​സ് ​അ​ക്കാ​ഡ​മി​യു​ടെ​ ​നേ​തൃ​ത്വ​ത്തി​ൽ​ ​കൊ​ച്ചി​യി​ൽ​ ​ദാ​സേ​ട്ട​ൻ​ ​@​ 84​ ​എ​ന്ന​ ​സം​ഗീ​ത​പ​രി​പാ​ടി​ ​സം​ഘ​ടി​പ്പി​ച്ചി​ട്ടു​ണ്ട്.​ ​മ​ക​നും​ ​ഗാ​യ​ക​നു​മാ​യ​ ​വി​ജ​യ് ​യേ​ശു​ദാ​സ് ​ഉ​ൾ​പ്പെ​ടെ​യു​ള്ള​വ​ർ​ ​അ​ണി​നി​ര​ക്കും.

തിരുവനന്തപുരത്തെ സ്റ്റേജ് ആൻഡ് ഫിലിം സൊസൈറ്റിയായ സൂര്യയുടെ നൃത്ത സംഗീതോത്സവ പരിപാടികൾ എല്ലാ വർഷവും ഒക്ടോബറിൽ യേശുദാസിന്റെ സംഗീതക്കച്ചേരിയോടെയാണ് തുടങ്ങിയിരുന്നത്. എന്നാൽ അതും

യേശുദാസ് വരാത്തതിനാൽ മുടങ്ങിയിരുന്നു. ഇക്കുറി വരുമെന്ന സൂചനകൾ ഉണ്ടായിരുന്നെങ്കിലും എത്തിയില്ല.

മലയാളിയെ സംബന്ധിച്ചിടത്തോളം പാട്ടിന്റെ അവസാനവാക്കാണ് യേശുദാസ് എന്ന നാമം. മഹിമയാർന്ന ആ സ്വരശുദ്ധി പല തലമുറകളെ കീഴടക്കി. ഇന്നും യേശുദാസിന്റെ പാട്ടുകേൾക്കാതെ മലയാളികളുടെ ഒരു ദിവസം കടന്നു പോകാറില്ല.

1940 ജനുവരി 10ന് എറണാകുളത്തെ ഫോർട്ട് കൊച്ചിയിലാണ് യേശുദാസിന്റെ ജനനം. പതിറ്റാണ്ടുകളായി നീണ്ടുനിൽക്കുന്ന കരിയറിൽ വിദേശ ഭാഷകളിൽ ഉൾപ്പെടെയായി 50,000ത്തിലധികം ഗാനങ്ങൾ യേശുദാസ് ആലപിച്ചിട്ടുണ്ട്. മലയാളം പോലെ തമിഴ് ഉൾപ്പെടെയുള്ള ദക്ഷിണേന്ത്യൻ ഭാഷകളിലും തരംഗം സൃഷ്ടിച്ചു. ഹിന്ദിയിൽ പാടിയ ഗാനങ്ങളും എക്കാലത്തേയും ഹിറ്റുകളാണ്.

പത്മശ്രീ, പത്മഭൂഷൺ, പത്മവിഭൂഷൺ അടക്കമുള്ള നിരവധി ബഹുമതികൾ നേടുകയും ചെയ്തു. യേശുദാസിന് ഫാൽക്കെ പുരസ്ക്കാരവും ഭാരതരത്നവും നൽകണമെന്ന് അദ്ദേഹത്തിന്റെ ആരാധകർ ദീർഘകാലമായി ആവശ്യപ്പെടുന്നുണ്ട്.