തസ്‌മിൻ കെ.എക്ക് അദ്ധ്യാപക പുരസ്‌കാരം

കൊച്ചി: കേരള സ്റ്റേറ്റ് സ്കൂൾ ടീച്ചേഴ്സ് ഫ്രണ്ട് ഏർപ്പെടുത്തിയ അദ്ധ്യാപക അവാർഡ് പെരുമ്പാവൂർ ഗവ. ഗേൾസ് എച്ച്.എസ്.എസിലെ തസ്‌മിൻ കെ.എക്ക്. 5ന് ഉച്ചയ്‌ക്ക് 2ന് പാലാരിവട്ടം വൈ.എം.സി.എ ഓഡിറ്റോറിയത്തിൽ കേരള കോൺഗ്രസ്‌ (എം) ചെയർമാൻ ജോസ് കെ.മാണി എം.പി പുരസ്‌കാരം നൽകും. കെ.എസ്.എസ്.ടി.എഫ് സംസ്ഥാന പ്രസിഡന്റ്‌ ഡോ. നോയൽ മാത്യൂസ് അദ്ധ്യക്ഷനാകും. കേരള കോൺഗ്രസ്‌ ജില്ലാ പ്രസിഡന്റ്‌ ടോമി കെ. തോമസ്, കെ.എസ്.എസ്.ടി.എഫ് സംസ്ഥാന കോഓർഡിനേറ്റർ പി. രാധാകൃഷ്ണക്കുറുപ്പ്, സംസ്ഥാന ജനറൽ സെക്രട്ടറി പോരുവഴി ബാലചന്ദ്രൻ, ജോമോൻ ജോസ്, സിജോ കൊട്ടാരത്തിൽ തുടങ്ങിയവർ സംസാരിക്കും.